مۇعالىمدەردەن اقشا جيناۋ توقتاماي وتىر: ديرەكتورلارعا قاتاڭ ەسكەرتۋ جاسالدى

شىمكەنت قالاسىنىڭ ءبىلىم باسقارماسىنىڭ باسشىسى گۇلناز سۇلەيمەنوۆا مەكتەپتەردە اقشا جيناۋ فاكتىلەرى ءالى دە بار ەكەنىن ايتىپ, مەكتەپ ديرەكتورلارىنا قاتاڭ ەسكەرتۋ جاسادى, دەپ حابارلايدى  qandastar.kz Skifnews.kz اقپاراتتىق پورتالىنا سىلتەمە جاساپ.

بۇل تۋرالى ول قالالىق جيىنداردىڭ بىرىندە مالىمدەدى. ونىڭ ايتۋىنشا, الەۋمەتتىك جەلىلەردە مۇعالىمدەردەن ءتۇرلى سىلتاۋمەن اقشا جينالىپ جاتقانى جايلى شاعىمدار جيىلەگەن.

«بىزگە اكىمدىك تاراپىنان دا وسىنداي اقپارات كەلىپ ءتۇسىپ جاتىر. ءتىپتى مەكتەپتەردە قوڭىراۋ ورناتۋعا دا اقشا جينالاتىنى جونىندە مالىمەتتەر بار. مۇنداي جاعدايلارعا جول بەرىلمەيدى. ەشقانداي مەكتەپ, ەشبىر ۇستاز نە العاشقى مۇعالىم ءۇشىن اقشا جينالماۋى ءتيىس. بۇل ماسەلەگە مەكتەپ باسشىلارى تىكەلەي جاۋاپتى», – دەدى باسقارما باسشىسى.

ول بۇل جاعدايدى جەكە باقىلاۋىنا الاتىنىن ايتىپ, مۇعالىمدەرگە قىسىم كورسەتۋگە جول بەرىلمەيتىنىن ەسكەرتتى.