Muǵalimderden aqsha jınaý toqtamaı otyr: Dırektorlarǵa qatań eskertý jasaldy

Shymkent qalasynyń bilim basqarmasynyń basshysy Gúlnaz Súleımenova mektepterde aqsha jınaý faktileri áli de bar ekenin aıtyp, mektep dırektorlaryna qatań eskertý jasady, dep habarlaıdy  qandastar.kz Skifnews.kz aqparattyq portalyna silteme jasap.

Bul týraly ol qalalyq jıyndardyń birinde málimdedi. Onyń aıtýynsha, áleýmettik jelilerde muǵalimderden túrli syltaýmen aqsha jınalyp jatqany jaıly shaǵymdar jıilegen.

«Bizge ákimdik tarapynan da osyndaı aqparat kelip túsip jatyr. Tipti mektepterde qońyraý ornatýǵa da aqsha jınalatyny jóninde málimetter bar. Mundaı jaǵdaılarǵa jol berilmeıdi. Eshqandaı mektep, eshbir ustaz ne alǵashqy muǵalim úshin aqsha jınalmaýy tıis. Bul máselege mektep basshylary tikeleı jaýapty», – dedi basqarma basshysy.

Ol bul jaǵdaıdy jeke baqylaýyna alatynyn aıtyp, muǵalimderge qysym kórsetýge jol berilmeıtinin eskertti.