Muǵalimderdiń jalaqysy týraly jańa derek shyqty

Qazaqstanda qazir 8 myńǵa jýyq mektep 3,9 mln balaǵa bilim berýde. Úkimet onyń 352 myńy birinshi synyp oqýshylary ekenin málim etti, dep qandastar.kz aqparattyq portaly. 

2024-2025 oqý jylynda elimizdiń mektepterinde 406 myń pedagog jumys isteýde. О́tken jylmen salystyrǵanda ustazdar sany 8 myńǵa artqan.

2020 jyldan bastap pedagog mártebesin kóterý saıasaty sheńberinde muǵalimderdiń jalaqysy 100%-ǵa kóbeıdi. 2023 jyly mektepke deıingi tárbıeshiler men tehnıkalyq jáne kásiptik bilim berý pedagogterine qosymsha ústemaqylar, sondaı-aq biliktilik sanattary, eńbek ótili, eńbek jaǵdaılary, akademııalyq dárejesiniń bolýy jáne tálimgerlik úshin qosymsha aqylar engizildi.

Aýyldyq jerlerde muǵalimderdiń jalaqysy qaladaǵy jalaqydan kem degende 25%-ǵa joǵary. 2025 jyly 11 myńnan astam pedagog biliktilikti arttyrý kýrstarynan ótken, olardyń shamamen 58%-y aýyl muǵalimderi. 2025 jylǵy 1 qańtardan bastap attestattaý proesiniń ashyqtyǵyn qamtamasyz etetin pedagogterdiń úzdiksiz kásibı damýynyń jańa platformasy jumysyn bastady.

Respýblıkada pedagogterdi attestattaýdyń avtomattandyrylǵan júıesi bar. Osylaısha, 2025 jylǵy 1 qańtardan bastap muǵalimderdiń úzdiksiz kásibı damýyna arnalǵan «Ustaz» ulttyq platformasyn kezeń-kezeńimen engizý bastaldy. Bul platforma attestattaý úderisin anaǵurlym ashyq etedi. 2025 jyly platforma arqyly 150 myńǵa jýyq qazaqstandyq pedagog attestattaýdan ótedi.

Prezıdenttiń bastamasymen barlyq bilim berý uıymdarynda «Adal azamat» biryńǵaı tárbıe baǵdarlamasy engizilýde. Bıyldan bastap oǵan jeke mektepter de qosylyp, 2026 jyly aýqymdy taratý úshin sharalar qabyldanady.