ءبىلىم
مۇعالىمدەرگە 8 ناۋرىزعا سىيلىق بەرۋگە بولا ما?
فوتو:pixabay.com
شىمكەنت قالاسىنىڭ ءبىلىم باسقارماسى 8 ناۋرىز – حالىقارالىق ايەلدەر كۇنى مەرەكەسىنە اقشا جيناۋعا تىيىم سالىناتىنىن ەسكەرتتى, دەپ حابارلايدى qandastar.kz
ءبىلىم باسقارماسى ناۋرىزداعى مەرەكەلەر قارساڭىندا اتا-انالاردان, ۇستازداردان, ستۋدەنتتەر مەن وقۋشىلاردان ءتۇرلى ماقساتتا اقشا جيناۋعا قاتاڭ تىيىم سالىنعانىن ەسكەرتەدى.
قر زاڭناماسىنا سايكەس الداعى مەرەكە كۇنى ءبىلىم بەرۋ ۇيىمدارىنىڭ ۇستازدارىنا, اكىمشىلىككە, كەز كەلگەن قىزمەتكەرگە سىيلىق بەرۋ, مەرەكەلىك كەشتەرگە اقشا جيناۋعا قاتاڭ تۇردە تىيىم سالىنادى. وسىعان وراي بارلىق ءبىلىم بەرۋ ۇيىمدارى بۇل تالاپتاردى قاتاڭ ساقتاۋعا ءتيىس, — دەدى باسقارما وكىلى.
مەكەمەنىڭ مالىمەتىنشە, سىبايلاس جەمقورلىقتىڭ الدىن الۋ جانە الەۋمەتتىك تەڭدىكتى ساقتاۋ ماقساتىندا كەز كەلگەن ماتەريالدىق قۇندىلىقتاردى جيناۋعا جول بەرىلمەيدى.
ءبىلىم باسقارماسى بۇل تالاپتاردىڭ ورىندالۋىن قاتاڭ باقىلاۋدا ۇستاپ, زاڭ بۇزۋشىلىقتار انىقتالعان جاعدايدا ءتيىستى شارالار قابىلدايدى.
