Muǵalimderge 8 naýryzǵa syılyq berýge bola ma?

Foto:pixabay.com

Shymkent qalasynyń Bilim basqarmasy 8 naýryz – Halyqaralyq áıelder kúni merekesine aqsha jınaýǵa tyıym salynatynyn eskertti, dep habarlaıdy qandastar.kz

Bilim basqarmasy naýryzdaǵy merekeler qarsańynda ata-analardan, ustazdardan, stýdentter men oqýshylardan túrli maqsatta aqsha jınaýǵa qatań tyıym salynǵanyn eskertedi.

QR zańnamasyna sáıkes aldaǵy mereke kúni bilim berý uıymdarynyń ustazdaryna, ákimshilikke, kez kelgen qyzmetkerge syılyq berý, merekelik keshterge aqsha jınaýǵa qatań túrde tyıym salynady. Osyǵan oraı barlyq bilim berý uıymdary bul talaptardy qatań saqtaýǵa tıis, — dedi basqarma ókili.

Mekemeniń málimetinshe, sybaılas jemqorlyqtyń aldyn alý jáne áleýmettik teńdikti saqtaý maqsatynda kez kelgen materıaldyq qundylyqtardy jınaýǵa jol berilmeıdi.

Bilim basqarmasy bul talaptardyń oryndalýyn qatań baqylaýda ustap, zań buzýshylyqtar anyqtalǵan jaǵdaıda tıisti sharalar qabyldaıdy.