مۇعالىمدەرگە العاشقى كومەك كورسەتۋ ەرەجەلەرى ءتۇسىندىرىلدى

اقتاۋدا 100 جاس مامانمەن «العاشقى مەديتسينالىق كومەكتى قالاي كورسەتۋ كەرەك?» تاقىرىبىندا پراكتيكالىق كەزدەسۋ ءوتتى. كەزدەسۋگە ماڭعىستاۋ وبلىستىق جانە شۇعىل مەديتسينالىق جاردەم ستانتسياسىنىڭ» فەلدشەرى گ.بازاەۆا جانە ي.وراشوۆا كەلدى.

العاشقى مەديتسينالىق كومەك — دارىگەرلەر كەلگەنگە دەيىن وقيعا ورنىندا زارداپ شەككەن ادامعا كورسەتىلۋى كەرەك شارالار كەشەنى. وسى ورايدا ماماندار مۇعالىمدەرگە وقىس وقيعا بولعان جاعدايدا العاشقى مەديتسينالىق كومەك كورسەتۋدىڭ جولدارىن ءتۇسىندىردى.

اتاپ ايتقاندا, ادامنان قان كەتسە, ەڭ الدىمەن ونى توقتاتۋعا تىرىسۋ كەرەك. سەبەبى كوپ قان كەتۋ ادام ومىرىنە قاۋىپتى. ال سۇيەك سىنعاندا سۇيەكتىڭ تۇتاستىعىن قالپىنا كەلتىرۋگە, قان كەتۋدى توقتاتۋعا, جارانى انتيسەپتيكالىق وڭدەۋگە, اياق-قولدى يمموبيليزاتسيالاۋ ماڭىزدى ەكەنىن اتاپ ءوتتى. سونىمەن قاتار العاشقى كومەك كورسەتكەندە ناۋقاستىڭ قوسىمشا اۋىرسىنۋىنا جول بەرمەۋ كەرەك. ناۋقاستى مەديتسينالىق كومەك كورسەتۋ ءۇشىن مەديتسينالىق مەكەمەگە وتە مۇقيات جەتكىزۋ قاجەت ەكەنىن ەسكەرتتى.

شارا بارىسىندا مۇعالىمدەر تولعاندىرعان سۇراقتارىن قويىپ, پىكىرىمەن ءبولىستى.

ايتا كەتەيىك, كەزدەسۋ «جاس مامان» جوباسى اياسىندا وتكىزىلدى. جوبانى «جەتى جۇرت» قوعامدىق بىرلەستىگى ماڭعىستاۋ وبلىسىنىڭ ءبىلىم باسقارماسىنىڭ تاپسىرىسى نەگىزىندە «ازاماتتىق باستامالاردى قولداۋ ورتالىعى» كەاق بىرلەسە ۇيىمداستىرىپ جاتىر.