Muǵalimge balaǵat sóz aıtqan Nazarbaev Zııatkerlik mektebiniń oqýshysy qarapaıym mektepke aýysty

Foto: Vıdeodan skrın

«Nazarbaev Zııatkerlik mektepteri» derbes bilim berý uıymynyń basqarma tóraǵasy Ánýar Janǵozın Almatyda 11-synyp oqýshysynyń oqýdan shyǵarylýyna qatysty pikir bildirdi, dep jazdy qandastar.kz

Bul týralyStan.kz aqparat agenttigi habarlaıdy.

Ánýar Janǵozın oqýshymen, ata-analarmen jáne pedagogıkalyq ujymmen kezdesý ótkizgenin málimdedi. 

“Talqylaýǵa Oqý-aǵartý mınıstrliginiń ókilderi, óńirlik bala quqyqtary jónindegi ýákil men qoǵamdyq keńestiń músheleri qatysty. Kezdesý barysynda buǵan deıin qabyldanǵan sheshim qaıta qaralyp, taraptar ózara túsinistikke keldi. Nazarbaev Zııatkerlik mektebi óz sheshimin ózgertpeıdi. Oqýshy mektepten shyǵarylyp, memlekettik jalpy bilim beretin mektepke aýystyryldy. Oqýshynyń ata-anasy tarapynan eshqandaı qarsylyq joq”, – dep jazdy Janǵozın.

Janǵozınniń aıtýynsha, Nazarbaev Zııatkerlik mektepteri shákirtterge árdaıym qurmetpen qarap, qoldaý kórsetedi.

“Nazarbaev Zııatkerlik mektepteri ózara syılastyqqa negizdelgen syndarly qarym-qatynasty basty qaǵıda retinde ustanady. Degenmen, muǵalimderge qurmetpen qaraý – mektep úshin ózgermeıtin jáne qatań saqtalatyn talap. Qoǵamnyń bul máselege beıjaı qaramaı, belsendilik tanytqanyna alǵys bildiremin. Biz keri baılanys pen ashyq dıalogty joǵary baǵalaımyz. Sondaı-aq Oqý-aǵartý mınıstrine, mınıstrlik ókilderine jáne bala quqyqtary jónindegi ýákilderge atalǵan jaǵdaıǵa jiti kóńil bólip, qoldaý kórsetkenderi úshin rızashylyǵymdy bildiremin”, – dep jazdy ol.

Aıta keteıik, buǵan deıin Nazarbaev zııatkerlik mektebi oqýshyny bitirý keshine bir kún qalǵanda oqýdan shyǵaryp jibergeni aıtyldy. Keıin oqýshy keshirim surap, óz nusqasyn aıtyp, prezıdentke úndeý joldaǵan edi.