جاڭالىقتار
مۇعالىممەن قوناق ۇيدە ۇستالعان 14 جاستاعى قىز تانىمال قاسكويدىڭ قىزى بوپ شىقتى
فوتو: Alash.kz
مۇعالىممەن قوناق ۇيدە ۇستالعان ءجاسوسپىرىم قىز بەلگىلى قىلمىسكەر رۋسلان كۇلەكباەۆتىڭ قىزى ەكەنى انىقتالدى. بۇل تۋرالى qandastar.kz سايتى Sadaq.kz سايتىنا سىلتەمە جاساپ حابارلايدى.
قىزدىڭ اناسى قىزمەت بابىمەن الماتى قالاسىنا, ناقتىراق ايتساق, المالى اۋدانىنا اۋىسۋىنا بايلانىستى ونى دا وزىمەن بىرگە جاڭا مەكتەپكە اۋىستىرعان.
قىزدىڭ اتا-اناسى بىرنەشە جىل بۇرىن اجىراسقان, ال اكەسى رۋسلان كۇلەكباەۆ قازىر ءومىر بويىنا باس بوستاندىعىنان ايىرىلعان.
ايتا كەتەيىك, رۋسلان كۇلەكباەۆ 2016 جىلى الماتىدا سەگىزى پوليتسيا قىزمەتكەرى بولاتىن 10 ادامدى اتىپ ولتىرگەن. سول قىلمىسى ءۇشىن ول باستاپقىدا ءولىم جازاسىنا كەسىلگەنىمەن, قازاقستانداعى ءولىم جازاسىنا جاريالانعان موراتوريگە بايلانىستى ءومىر بويىنا تۇرمەگە قامالعان.
ەسكە سالا كەتسەك, بۇعان دەيىن الماتى وبلىسىندا 14 جاستاعى قىزدى زورلادى دەگەن كۇدىكپەن دومبىرا ۇيىرمەسىنىڭ جەتەكشىسى ۇستالعانى حابارلانعان ەدى. بۇل وقيعا 6 مامىرعا قاراعان ءتۇنى وتەگەن باتىر اۋىلىنداعى قوناق ۇيلەردىڭ بىرىندە انىقتالعان. پوليتسيا رەيدى كەزىندە كۇدىكتى مەن قىز ءبىر بولمەدە بولعان. تەرگەۋ امالدارى جالعاسىپ جاتىر.
