Múgedek bolyp qalǵan sarbazǵa 140 mln teńge jınaldy

Kollaj: adyrna.kz

Basynan jaraqat alyp, múgedek bolyp qalǵan sarbazǵa 140 mln jınaldy, — dep habarlaıdy ozgeris.info.

Buǵan deıin sarbaz Erbaıan Muhtar jaıly jazǵan edik. Jelide sarbazǵa qatysty jantúrshigerlik vıdeo tarady. Rolıkte ol áskerge óz erkimen ketip, artynsha aýrýhanada aýyr hálde jatqany kórsetiledi. Sarbaz alty aıdan beri komada jatyr.

Erbaıan Muhtar áskerde basynan jaraqat alǵan. Qazirgi tańda ol óz kúshimen tamaqtana almaıdy jáne sóıleı almaıdy.

Ulttyq ulan bul derekke qatysty tergeý júrip jatqanyn habarlady.

«Qatardaǵy jaýynger Muhtardyń basynan soqqy alýyna baılanysty Qylmystyq kodekstiń 440-baby 3-bóligi 4-tarmaǵy boıynsha qylmystyq is qozǵaldy. Qazirgi tańda qajet saraptamalar taǵaıyndaldy. Sotaldy tergeý áli de júrip jatyr. Tergeý barysy IIM basshylyǵynyń jeke baqylaýynda», — delingen vedomstvo habarlamasynda.

Vedomstvo málimetinshe, reabılıtaııalyq emnen keıin Erbaıannyń ata-anasynyń suraýy boıynsha sarbaz úıine jiberilgen. Qazirgi tańda sarbazǵa múgedektik rásimdeý jumystary júrgizilip jatqan kórinedi.

Búginde qazaqstandyqtar sarbazdyń emine 140 mıllıonǵa jýyq aqsha jınap bergen.

«Erbaıannyń ata-anasy kózine jas aldy, búkil komanda qoldaýlaryńyzǵa alǵys aıtady. Shyny kerek, aıtarǵa sózimiz joq», — delingen jazbada.