مۇگەدەك جىگىتتى بىرنەشە رەت زورلاعان ادام بوستاندىقتا جۇرگەنى راس پا?

استانالىق ايەل ءىى توپتاعى مۇگەدەك ۇلىنىڭ بىرنەشە رەت زورلانعانىن ايتىپ, كومەك سۇرادى. ايتۋىنشا, كۇدىكتى ونىمەن ونلاين-ويىن ارقىلى تانىسىپ, بىرنەشە مارتە ۇيىنە شاقىرعان, دەپ حابارلايدى Qandastar.kz  سايتى Skifnews.kz اقپارات پورتالىنا سىلتەمە جاساپ.

قىلمىستىق ءىس العاشىندا نۇرا اۋدانى پوليتسيا بولىمىندە تەرگەلىپ, ونى جابۋعا ارەكەت جاسالعان. كەيىن ءىس استانا قالالىق پوليتسيا دەپارتامەنتىنە بەرىلدى. الايدا ساراپتاما قورىتىندىسى دايىن بولۋىنا قاراماستان, ءتورت اي بويى ەشكىم قاماۋعا الىنباعان.

زارداپ شەككەن جىگىتتىڭ اناسى وسى وقيعادان كەيىن ينسۋلت الىپ, توسەككە تاڭىلعان. ال ۇلىنا ەپيلەپسيا دياگنوزى قويىلعان.

تۋىستارى تەرگەۋ قاساقانا سوزىلىپ جاتىر دەپ سانايدى جانە بۇل ءىستى قر ىشكى ىستەر ءمينيسترى ەرجان ساپاربەك ۇلىنىڭ جەكە باقىلاۋىنا الۋدى تالاپ ەتەدى.