مۇحتار ماعاۋيننىڭ ۇلى دۇنيە سالدى

قازاق جازۋشىسى مۇحتار ماعاۋيننىڭ ۇلى ماعجان ماعاۋين دۇنيە سالدى, دەپ حابارلايدى Qandastar.kz اقپارات پورتالى qaz365.kz-گە سىلتەمە جاساپ.

ماعجان ماعاۋين ءومىر بويى الماتى قالاسىندا تۇرعان. جازۋشىنىڭ التى بالاسى بولعان – تورتەۋى ۇل, ەكەۋى قىز.

مۇحتار ماعاۋين – تاريحشى, جازۋشى, قازاقتىڭ اۋىز ادەبيەتىن زەرتتەۋشى عالىم. فيلولوگيا عىلىمدارىنىڭ دوكتورى, قازاق كسر مەملەكەتتىك سىيلىعىنىڭ لاۋرەاتى (1984), قازاقستاننىڭ حالىق جازۋشىسى (1996).

1940 جىلى 2 اقپاندا سول كەزدەگى سەمەي وبلىسىنىڭ شۇبارتاۋ اۋدانىندا دۇنيەگە كەلگەن. بيىل 10 قاڭتاردا, 84 جاسىندا ومىردەن وتكەن ەدى.