مۇقاعالي ماقاتاەۆقا ءتىل تيگىزگەن بلوگەر اقىننىڭ ەسكەرتكىشى الدىندا تىزەرلەپ كەشىرىم سۇرادى

Ulysmedia كوللاجى

بلوگەر الىشەر تەمەنوۆ اعاتتىق جىبەرگەنىن مويىندادى, دەپ حابارلايدى Ulysmedia.kz.

كەشىرىم سۇراۋى

– قازاق ەلىنىڭ الدىندا جاساپ قويعان ۇلكەن ءبىر ەركەلىگىمدى ارۋاق كەشىرسىن دەگەن نيەتپەن ءدال قازىر مۇقاعالي اتامىزدىڭ ءۇيىنىڭ الدىندا تۇرمىن. بارشا قازاق ەلىنەن جاساعان ۇلكەن قاتەلىگىم ءۇشىن كەشىرىم سۇرايمىن, – دەيدى تەمەنوۆ.

ءوزىن ريلسمەيكەر رەتىندە تانىستىرىپ جۇرگەن الىشەر تەمەنوۆ جارناما جاساعان كەزدە اقىن مۇقاعالي ماقاتاەۆقا ءتىل تيگىزىپ, سىنعا قالعان.

– مۇقاعالي ماقاتاەۆ جالپى “جالوۆاتسيا” ەتە بەرەتىن سورلى ەركەك بولادى عوي – ۆوت سونداي. “بۇگىن مەنىڭ تۋعان كۇنىم وي ءپالى-اي, مىنا ادامدار نەگە جاتىر تويلاماي” دەيدى. “ەي, سەن بل… (بىلاپىت ءسوز) ءبىرىنشى جاساساڭشى تۋعان كۇنىڭدى – سوسىن بارامىز عوي, – دەگەن بلوگەر جارناماسىندا.

كەيىن بۇل ءسوزى ۇلكەن شۋ تۋعىزىپ, بلوگەر كەشىرىم سۇراۋ ءۇشىن اقىننىڭ اۋىلىنا بارۋعا ءماجبۇر بولعان.