مۇمكىندىگى شەكتەۋلى جانداردىڭ قۇقىعى قورعالدى

مۇمكىندىگى شەكتەۋلى جانداردىڭ اتىنا تىركەلگەن 4 636 كولىك اقىلى اۆتوتۇراقتىڭ جەڭىلدىكتەر تىزىمىنە ەنگىزىلدى. وسىلايشا تۋمىسىنان مۇگەدەكتىگى بار جانە 1-ءشى, 2-ءشى توپتاعى كەمباعال جاندار ەندى اكىمشىلىك ايىپپۇل ارقالامايدى. نەگىزى ەرەجە بويىنشا اقىلى اۆتوتۇراققا اقشا تولەۋدەن جالتارعاندار 3 ايلىق ەسەپتىك كورسەتكىش كولەمىندە اقى تولەۋگە مىندەتتى.

ال جوعارىدا اتالعان جاڭا مۇمكىندىك اياسىندا نۇرا اۋدانىنىڭ پروكۋراتۋراسى 40 اكىمشىلىك ماتەريالدىڭ كۇشىن جويدى. باۋىرجان اسقاروۆ, نۇرا اۋدانى پروكۋرورىنىڭ ورىنباسارى: — نۇرا اۋدانىنىڭ پروكۋراتۋراسى مۇمكىندىشى شەكتەۋلى ادامداردىڭ قۇقىتارىنىڭ ساقتالۋىنا تالداۋ جۇرگىزدى. ازاماتتاردىڭ اتالعان ساناتتاعى ءتيىستى جول بەلگىلەرىمەن نەمەسە بەلگىلەرىمەن بەلگىلەنگەن ورىنداردا تۇراق ءۇشىن اقى تولەۋدەن, سونداي-اق ولارعا اكىمشىلىك ايىپپۇل سالۋدان بوساتىلادى. ازاماتتاردىڭ قۇقىقتارى مەن زاڭدى مۇددەلەرىن قورعاۋ پروكۋراتۋرا ورگاندارىنىڭ باسىم مىندەتى بولىپ تابىلادى.