مۇناي كەنىشتەرى زەرتتەلە باستادى

بيىل قىزىلوردا وبلىسىندا وندىرىلگەن مۇناي كولەمى 3 پايىزعا نەمەسە 100 مىڭ تونناعا ازايۋى مۇمكىن. ياعني جىلدىق ءوندىرىس مەجەسى 3 ميلليون 600 مىڭ توننادان اسپايدى دەگەن بولجام بار. وڭىردە كومىرسۋتەگى ءوندىرىسىنىڭ كورسەتكىشى سوڭعى 10 جىل قاتارىنان تومەندەپ كەلەدى. قىزىلوردا وبلىسى ەكونوميكاسىنىڭ 25 پايىزى مۇناي ءوندىرىسىنىڭ ۇلەسىندە. الايدا سوڭعى ون جىلدا كومىرسۋتەگىن ءوندىرۋ كولەمى وڭىردە 3 ەسەگە دەيىن ازايدى. وتكەن جىلى بۇل كورسەتكىش 7 پايىزعا كەمىسە, بيىل تاعى 3 پايىزعا تومەندەيدى دەپ بولجام جاسالدى. اباي شاينۇروۆ, ەكونوميكا عىلىمدارىنىڭ كانديداتى: – سوڭعى 10 جىلدىقتا 11 ميلليون توننادان وتكەن جىلى 3,7 ميلليون توننا ءوندىرىسىن قۇرادى. بۇل گەولوگيالىق بارلاۋ جۇمىستارىنىڭ وسى ۋاقىتقا دەيىن بولماۋى. بۇل ارينە ايماق ەكونوميكاسىنا كەرى اسەرىن تيگىزدى. جەر استى قاباتىنىڭ سۋلانۋى, قۇرال جابدىقتاردىڭ ەسكىرۋى. عالىمداردىڭ ايتۋىنشا, كەزىندە قارا التىن اتقىلاعان ۇڭعىمالاردىڭ سارقىلۋىنا وسىنداي بىرنەشە فاكتور سەبەپ بولعان. ساكەن سەيتجانوۆ, PHD دوكتور: – كەيبىر سكۆاجينالار مۇناي بەرىپ تۇرادى دا, ارتىنشا مۇنايى ازايىپ كەتەدى. حيميالىق ادىستەر قولدانىپ 30-35 پروتسەنت شاماسىندا كوتەرۋگە بولادى. بىراق ەندى ول جۇمىستاردى زەرتتەۋ كەرەك. ەسكى كەنىشتەردى زەرتتەپ, ونىمدىلىگىن ارتتىرۋ ءۇشىن وڭىردە جاڭا تەحنولوگيا قولعا الىنادى. ونى شەتەلدىك ماماندار جۇزەگە اسىرادى. دىنمۇحامەد ءابساتتاروۆ, وبلىستىق كاسىپكەرلىك جانە ونەركاسىپ باسقارماسىنىڭ باسشىسى: – ولاردىڭ تەحنولوگياسى قيىن وندىرىلەتىن مۇناي. سول جەر استىنا جاتىپ قالعان مۇنايلار بار. سول جاڭا تەحنولوگيالار ەنگىزۋ ارقىلى 30 پايىزعا دەيىن قازىرگى جۇمىس ىستەپ تۇرعان مۇناي كەنىش ورىندارىن مۇناي ءوندىرۋ كولەمىن ۇلعايتۋعا مۇمكىندىك بەرەدى. بىلتىر كەلىسىم سوزدەر جۇرگىزگەن. سولاردى شاقىرعان. قازىر قىزىلوردا وبلىسىندا ولار تىركەلىپ, ەنشىلەس كومپانياسى. قازىر رۇقسات قاعازدارى راسىمدەلۋ ۇستىندە. مۇنان بولەك, 2022 جىلى ارال شوگىندى باسسەينىندە باستالعان گەولوگيالىق زەرتتەۋ جۇمىستارى جالعاسۋدا. ال «تورعاي-پولەوزوي» كەن ورنىندا مۇناي-گاز ءوندىرۋشى كومپانيا ەلىمىزدە بۇرىن سوڭدى بولماعان 5 جارىم مىڭ مەتر تەرەڭدىككە دەيىن ۇڭعىما بۇرعىلاۋعا كىرىسكەن. ايماقتا ءداستۇرلى ەمەس كومىرسۋتەك ءوندىرۋ دە جوسپارلانىپ وتىر. بۇل رەتتە ينۆەستورلار تاراپىنان بۇرعىلاۋ, بارلاۋ جۇمىستارى قارقىن الدى, – دەيدى ماماندار.