MUNAI KENIShTERI ZERTTELE BASTADY

Bıyl Qyzylorda oblysynda óndirilgen munaı kólemi 3 paıyzǵa nemese 100 myń tonnaǵa azaıýy múmkin. Iaǵnı jyldyq óndiris mejesi 3 mıllıon 600 myń tonnadan aspaıdy degen boljam bar. О́ńirde kómirsýtegi óndirisiniń kórsetkishi sońǵy 10 jyl qatarynan tómendep keledi. Qyzylorda oblysy ekonomıkasynyń 25 paıyzy munaı óndirisiniń úlesinde. Alaıda sońǵy on jylda kómirsýtegin óndirý kólemi óńirde 3 esege deıin azaıdy. О́tken jyly bul kórsetkish 7 paıyzǵa kemise, bıyl taǵy 3 paıyzǵa tómendeıdi dep boljam jasaldy. Abaı Shaınurov, ekonomıka ǵylymdarynyń kandıdaty: — Sońǵy 10 jyldyqta 11 mıllıon tonnadan ótken jyly 3,7 mıllıon tonna óndirisin qurady. Bul geologııalyq barlaý jumystarynyń osy ýaqytqa deıin bolmaýy. Bul árıne aımaq ekonomıkasyna keri áserin tıgizdi. Jer asty qabatynyń sýlanýy, qural jabdyqtardyń eskirýi. Ǵalymdardyń aıtýynsha, kezinde qara altyn atqylaǵan uńǵymalardyń sarqylýyna osyndaı birneshe faktor sebep bolǵan. Sáken Seıtjanov, PHD doktor: — Keıbir skvajınalar munaı berip turady da, artynsha munaıy azaıyp ketedi. Hımııalyq ádister qoldanyp 30-35 proent shamasynda kóterýge bolady. Biraq endi ol jumystardy zertteý kerek. Eski kenishterdi zerttep, ónimdiligin arttyrý úshin óńirde jańa tehnologııa qolǵa alynady. Ony sheteldik mamandar júzege asyrady. Dinmuhamed Ábsattarov, Oblystyq kásipkerlik jáne ónerkásip basqarmasynyń basshysy: — Olardyń tehnologııasy qıyn óndiriletin munaı. Sol jer astyna jatyp qalǵan munaılar bar. Sol jańa tehnologııalar engizý arqyly 30 paıyzǵa deıin qazirgi jumys istep turǵan munaı kenish oryndaryn munaı óndirý kólemin ulǵaıtýǵa múmkindik beredi. Byltyr kelisim sózder júrgizgen. Solardy shaqyrǵan. Qazir Qyzylorda oblysynda olar tirkelip, enshiles kompanııasy. Qazir ruqsat qaǵazdary rásimdelý ústinde. Munan bólek, 2022 jyly Aral shógindi basseıninde bastalǵan geologııalyq zertteý jumystary jalǵasýda. Al «Torǵaı-poleozoı» ken ornynda munaı-gaz óndirýshi kompanııa elimizde buryn sońdy bolmaǵan 5 jarym myń metr tereńdikke deıin uńǵyma burǵylaýǵa kirisken. Aımaqta dástúrli emes kómirsýtek óndirý de josparlanyp otyr. Bul rette ınvestorlar tarapynan burǵylaý, barlaý jumystary qarqyn aldy, — deıdi mamandar.