«مۇناي ونىمدەرىن زاڭسىز ساتقان»: قاراعاندىلىق كاسىپكەر ەكولوگيانى لاستاعانى ءۇشىن 7 ميلليون تەڭگە تولەيدى

فوتو: Stan.kz / جي كومەگىمەن جاسالعان

قاراعاندى وبلىسىنداعى ءىرى كاسىپورىنداردىڭ ءبىرى ەكولوگيالىق رۇقساتسىز سەگىز اي بويى مۇناي ونىمدەرىن ساقتاپ, ساتۋمەن اينالىسقان, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

پروكۋراتۋرانىڭ مالىمەتىنشە, اتالعان كاسىپورىن II ساناتتاعى وبەكتىگە جاتاتىنىنا قاراماستان, قورشاعان ورتاعا اسەردى باعالاۋ جانە رۇقسات الۋ تالاپتارىن ەلەمەگەن. سونىڭ سالدارىنان اتموسفەراعا 90 توننادان استام زياندى قالدىق تاراعان.

قۇقىق بۇزۋشىلىق انىقتالعاننان كەيىن, اكىمشىلىك قۇقىق بۇزۋشىلىق تۋرالى كودەكسى 328-بابىنىڭ 1-بولىگى بويىنشا (قورشاعان ورتاعا جول بەرىلەتىن انتروپوگەندىك اسەر ەتۋ نورماتيۆتەرىن بۇزۋ) اكىمشىلىك ءىس قوزعالدى. ماتەريالدار اكىمشىلىك قۇقىقبۇزۋشىلىق جونىندەگى مامانداندىرىلعان اۋدانارالىق سوتقا جولدانعان.

ەگەر ءبىر ادام نەمەسە كومپانيا قورشاعان ورتاعا رۇقسات ەتىلگەن مولشەردەن ارتىق زياندى زاتتار شىعارعا جەكە تۇلعالارعا 150 ايلىق ەسەپتىك كورسەتكىش (اەك) كولەمىندە (589 800 تەڭگە) ايىپپۇل سالىنادى.

كومپانيالارعا (زاڭدى تۇلعالارعا) سول شىعارىندىلار ءۇشىن بەلگىلەنگەن تولەمنىڭ 10 000%-ى مولشەرىندە ايىپپۇل تولەۋگە تۋرا كەلەدى. ەگەر بۇل زاڭبۇزۋشىلىق ءبىر جىلدا قايتالانسا (ال ءىرى كاسىپكەرلەر ءۇشىن ۇش جىل ىشىندە قايتالانسا), وندا ايىپپۇل 200 اەك-كە (786 400 تەڭگە) دەيىن كوتەرىلەدى.

كومپانيالارعا تولەم مولشەرىنىڭ 20 000%-ى كولەمىندە ايىپپۇل سالىنادى.

جوعارعى سوتتىڭ شەشىمىمەن زاڭ بۇزعان كاسىپورىن جاۋاپقا تارتىلدى

«سوت ەكولوگيالىق زاڭبۇزۋشىلىقتى راستاپ, كومپانياعا 7 ميلليون تەڭگەدەن استام ايىپپۇل سالدى», – دەپ مالىمدەدى قاراعاندى وبلىستىق پروكۋراتۋراسى.
ەسكە سالايىق, بۇعان دەيىن ماۋسىمنىڭ باسىنان بەرى اتىراۋدى قارا ءتۇتىن باستى. جەرگىلىكتى تۇرعىندار سالدارىنان دەنساۋلىق سىر بەرىپ, باس اۋرۋى مەن جوتەلگە شاعىمداندى. سونداي-اق ولاردىڭ ايتۋىنشا, مۇنداي جاعداي جىل سايىن قايتالانادى. الايدا بۇل جولى ءتۇتىن تورلاعان كۇندەر ۇزاققا سوزىلعان.