«Munaı ónimderin zańsyz satqan»: Qaraǵandylyq kásipker ekologııany lastaǵany úshin 7 mıllıon teńge tóleıdi

Foto: Stan.kz / JI kómegimen jasalǵan

Qaraǵandy oblysyndaǵy iri kásiporyndardyń biri ekologııalyq ruqsatsyz segiz aı boıy munaı ónimderin saqtap, satýmen aınalysqan, dep jazdy qandastar.kz

Bul týraly Stan.kz aqparat agenttigi habarlaıdy.

Prokýratýranyń málimetinshe, atalǵan kásiporyn II sanattaǵy obektige jatatynyna qaramastan, qorshaǵan ortaǵa áserdi baǵalaý jáne ruqsat alý talaptaryn elemegen. Sonyń saldarynan atmosferaǵa 90 tonnadan astam zııandy qaldyq taraǵan.

Quqyq buzýshylyq anyqtalǵannan keıin, Ákimshilik quqyq buzýshylyq týraly kodeksi 328-babynyń 1-bóligi boıynsha (Qorshaǵan ortaǵa jol beriletin antropogendik áser etý normatıvterin buzý) ákimshilik is qozǵaldy. Materıaldar ákimshilik quqyqbuzýshylyq jónindegi mamandandyrylǵan aýdanaralyq sotqa joldanǵan.

Eger bir adam nemese kompanııa qorshaǵan ortaǵa ruqsat etilgen mólsherden artyq zııandy zattar shyǵarǵa jeke tulǵalarǵa 150 aılyq eseptik kórsetkish (AEK) kóleminde (589 800 teńge) aıyppul salynady.

Kompanııalarǵa (zańdy tulǵalarǵa) sol shyǵaryndylar úshin belgilengen tólemniń 10 000%-y mólsherinde aıyppul tóleýge týra keledi. Eger bul zańbuzýshylyq bir jylda qaıtalansa (al iri kásipkerler úshin úsh jyl ishinde qaıtalansa), onda aıyppul 200 AEK-ke (786 400 teńge) deıin kóteriledi.

Kompanııalarǵa tólem mólsheriniń 20 000%-y kóleminde aıyppul salynady.

Joǵarǵy sottyń sheshimimen zań buzǵan kásiporyn jaýapqa tartyldy

«Sot ekologııalyq zańbuzýshylyqty rastap, kompanııaǵa 7 mıllıon teńgeden astam aıyppul saldy», – dep málimdedi Qaraǵandy oblystyq prokýratýrasy.
Eske salaıyq, buǵan deıin maýsymnyń basynan beri Atyraýdy qara tútin basty. Jergilikti turǵyndar saldarynan densaýlyq syr berip, bas aýrýy men jótelge shaǵymdandy. Sondaı-aq olardyń aıtýynsha, mundaı jaǵdaı jyl saıyn qaıtalanady. Alaıda bul joly tútin torlaǵan kúnder uzaqqa sozylǵan.