Munaıly aýdanynda shaǵyn jáne orta kásip qarqyndy damyp jatyr

Mańǵystaýdyń Munaıly aýdanynda shaǵyn jáne orta kásip qarqyndy damyp jatyr. Bıyl kásipkerlik sýbekt sany 10 paıyzǵa kóbeıip, 10 700-ge jetken. Aýdanda jeńil ónerkásip, mal sharýashylyǵy, dúkender jelisi, qyzmet kórsetý salalary qanat jaıǵan.

Aýdanda tigin ehynyń ashylǵanyna 2 jyl boldy. Kásiporyn 50 adamdy turaqty jumyspen qamtyp otyr. Munda aıyna 2 myńǵa jýyq arnaıy kıim tigiledi. Jumysshylardyń barlyǵy aýdan turǵyndary. Solardyń biri — Aqsyrǵa Tájiqosova. 57 jastaǵy áıel jumystastarymen birge kúnine 50-60 kúrteshe tigedi.

Aqsyrǵa Tájiqosova, Batyr aýylynyń turǵyny:

Aýylymyzda osyndaı mekeme ashylyp jatqanyna, jasap jatqanymyzǵa rahmet, qýanamyz. Kelemiz, jumysymyzdy jasaımyz. Otyrǵan jerimiz jyly jer, obedimiz daıyn. Aqshamyzdy tapqanymyzsha tabamyz. 250 myń men 150 myńnyń aralyǵynda aqsha tabamyz.
Matras ehy – aýdanda memlekettik baǵdarlamalardyń arqasynda aıaqqa turǵan kásiporyndardyń biri. Aıyna 1 myńǵa jýyq ortopedııalyq matrastyń túr-túrin óndiredi. Munda munaı kompanııalary, jıhaz dúkenderi tapsyrys beredi. Eshat Qaıratuly ortopedııalyq matras jasaıtyn maman. Ol ehta 5 jyldan beri jumys isteıdi.

Eshat Qaıratuly, Munaıly aýdanynyń turǵyny:

Meniń mindetim – negizgi osy ortopedııalyq matrastardy qurastyryp jasaý. Kokos, paralon ortasynda, embi prýjına degen zattar bar. Paralondar bar ár túrli nárselerdi bir-birine kleı arqyly bekitiledi, solaı jasalatyn nárse.
Aýdanda budan bólek, dúkender jelisi, mal sharýashylyǵy, qyzmet kórsetý salasy jáne týrızm baǵytyndaǵy jobalar damyp keledi. Búginde shaǵyn jáne orta kásipkerlik sýbektileriniń sany 10700-ge jetti. Olar 17 myńnan astam turǵyndy jumyspen qamtyp otyr.

Bekbolat Qabatbaev, Munaıly aýdandyq kásipkerlik jáne aýyl sharýashylyǵy bólimi basshysynyń orynbasary:

Birden-bir sebep kásipkerliktiń damýy — bizdiń Aqtaý qalasyna jaqyn ornalasýyna oraı aýdanymyz jáne de memlekettik qoldaýlar. Aýdan turǵyndaryna 6 paıyzben nesıe, kóp balaly analarǵa jeńildik qarastyrylǵan 4 paıyzben jáne agrarlyq nesıe korporaııasy arqyly jastar nesıesi 2,5 paıyzben nesıeler berilip otyr.
Aýdanda byltyrdan beri aýyl sharýashylyǵy baǵytynda jobalar kóp qarjylandyrylýda. Sondaı-aq, jumyssyzdarǵa arnalǵan «Aýyl amanaty» pılottyq jobasy bastalǵan. Onyń aıasynda 36 jobaǵa 2,5 paıyzdyq nesıe berildi.