“مۇنىڭ قۇپياسى جوق“. سالتانات باقاەۆا بارىنە قالاي ۇلگەرىپ ءجۇر?

فوتو: سايتتان

تانىمال ءانشى ءارى اكتريسا سالتانات باقاەۆا كينوعا دا تۇسەدى, قىز ۇزاتادى, الەۋمەتتىك جەلىدە دە بەلسەندىلىك تانىتادى. بۇدان بولەك, ول — اياۋلى جار ءارى 4 بالانىڭ اناسى. مۇنىڭ بارىنە ونەر يەسى قالاي ۇلگەرىپ ءجۇر? ول Massaget.kz تىلشىسىنە بەرگەن سۇحباتىندا بارىنە قالاي ۇلگەرىپ جۇرگەنىن ايتتى.

«مۇنىڭ قۇپياسى جوق. بىردەن ايتايىن, مەن بارىنە ۇلگەرە بەرمەيمىن, بىراق مەنىڭ قولداۋشىلارىم, جاقىندارىم جانىمنان تابىلادى. ولار ۇلگەرمەي جاتقانىمدى بايقاپ, بارىنشا قولعابىس ەتەدى. سول ءۇشىن مەن بارىنە ۇلگەرىپ جاتقان سياقتى كورىنەمىن. مەن دە قاراپايىم اداممىن. بارىنە ۇلگەرۋ مۇمكىن ەمەس», — دەدى ءانشى.

ونەر يەسى وزىنە قاي كەيىپكەردى جاقىن تارتاتىنىن ايتتى.

«كەز كەلگەن كەيىپكەردە مەنىڭ بولشەگىم بار. ولار — مەنىڭ جارتى الەمىم, مەنىڭ جۇرەگىمنەن شىققان دۇنيە. ءبولىپ-جارعىم كەلمەيدى. پروتسەسس بارىسىندا قيىندىقتان شىققان دۇنيە كوڭىلىڭدە ۇزاق تۇراقتايدى. سوندىقتان تەاترداعى كەيىپكەرلەرىم كۇردەلىلەۋ بولعاندىقتان, ورنى بولەك, ارينە. جالپى مەن ءۇشىن تەاتردىڭ ورنى بيىك», — دەيدى ول.

ەسكە سالايىق, ونەر يەسى 24 قىركۇيەكتە 37 جاسقا تولعان تۋعان كۇنىن تويلاعان ەدى.

سالتانات باقاەۆا — تانىمال ەسترادا ءانشىسى, كينو جانە تەاتر اكتريساسى. قازاقستان جاستار وداعى «سەرپەر» سىيلىعىنىڭ يەگەرى.