“Munyń qupııasy joq“. Saltanat Baqaeva bárine qalaı úlgerip júr?

Foto: saıttan

Tanymal ánshi ári aktrısa Saltanat Baqaeva kınoǵa da túsedi, qyz uzatady, áleýmettik jelide de belsendilik tanytady. Budan bólek, ol — aıaýly jar ári 4 balanyń anasy. Munyń bárine óner ıesi qalaı úlgerip júr? Ol Massaget.kz tilshisine bergen suhbatynda bárine qalaı úlgerip júrgenin aıtty.

«Munyń qupııasy joq. Birden aıtaıyn, men bárine úlgere bermeımin, biraq meniń qoldaýshylarym, jaqyndarym janymnan tabylady. Olar úlgermeı jatqanymdy baıqap, barynsha qolǵabys etedi. Sol úshin men bárine úlgerip jatqan sııaqty kórinemin. Men de qarapaıym adammyn. Bárine úlgerý múmkin emes», — dedi ánshi.

О́ner ıesi ózine qaı keıipkerdi jaqyn tartatynyn aıtty.

«Kez kelgen keıipkerde meniń bólshegim bar. Olar — meniń jarty álemim, meniń júregimnen shyqqan dúnıe. Bólip-jarǵym kelmeıdi. Proess barysynda qıyndyqtan shyqqan dúnıe kóńilińde uzaq turaqtaıdy. Sondyqtan teatrdaǵy keıipkerlerim kúrdelileý bolǵandyqtan, orny bólek, árıne. Jalpy men úshin teatrdyń orny bıik», — deıdi ol.

Eske salaıyq, óner ıesi 24 qyrkúıekte 37 jasqa tolǵan týǵan kúnin toılaǵan edi.

Saltanat Baqaeva — tanymal estrada ánshisi, kıno jáne teatr aktrısasy. Qazaqstan Jastar Odaǵy «Serper» syılyǵynyń ıegeri.