مۇرات ءابدىلدا قايتا قاماۋعا الىندى

فوتو: اشىق دەرەككوز

بۇگىن تۇركىستان قالاسىنىڭ اۋدانارالىق سوتىندا ساۋران اۋداندىق پوليتسيا بولىمىندە بلوگەر مۇرات ابدىلداعا قاتىستى مەرزىمىنەن بۇرىن شارتتى تۇردە بوساتۋدىڭ كۇشىن جويدى, دەپ حابارلادى qandastar.kz

جازانىڭ وتەلمەگەن بولىگىن باس بوستاندىعىنان ايىرۋ جازاسىن ورىنداۋعا جولداۋ جونىندەگى ۇسىنىسى قارالدى, دەپ حابارلايدى Qaz365.kz.

شىمكەنت قالالىق قىلمىستىق ىستەر جونىندەگى اۋدانارالىق سوتىنىڭ 23.08.2024 جىلعى قاۋلىسىنا سايكەس ازامات م.ابديللاەۆقا ساعات 22:00-دەن تاڭعى ساعات 06:00 ارالىعىندا  ۇيىندە بولۋعا مىندەتتەلگەن. دەگەنمەن ازامات م.ابديللاەۆ سوت جۇكتەگەن مىندەتتەردى ءوز دارەجەسىندە ورىنداماعان.

اتاپ ايتقاندا, ۋچاسكەلىك پوليتسيا قىزمەتكەرى 17.03.2025ج. تۇنگى ۋاقىتتا مۇرات ءابدىلدانىڭ تۇرعىلىقتى مەكەن-جايىن تەكسەرۋگە بارعان ۋاقىتتا ۇيىندە بولماعان. سوت پروتسەسسى بارىسىندا پوليتسيا ءبولىمىنىڭ جۇيەلى بۇزۋشىلىقتار تۋرالى دالەلدەرى راستالدى.

ايتا كەتەيىك, بلوگەر مۇرات ءابدىلدا الەۋمەتتىك جەلى ارقىلى تىكەلەي ەفيردە وتىرىپ, بىلاپىت سويلەگەنى ءۇشىن 2022 جىلدىڭ 31 ناۋرىزىندا قىلمىستىق كودەكستىڭ 174 بابىنىڭ 1 بولىگىمەن 4 جىل 6 ايعا باس بوستاندىعىنان ايىرىلعان ەدى. 2024 جىلى 9 قىركۇيەك كۇنى شارتتى تۇردە مەرزىمىنەن بۇرىن بوساپ شىققان بولاتىن.