Murat Baqtııaruly: Darıǵa Nazarbaeva myqty senat spıkeri boldy

Foto: ashyq derekkóz

Memleket jáne qoǵam qaıratkeri Murat Baqtııaruly Adal Adam YouTube arnasyna bergen suhbatynda Senattyń eks-tóraǵasy Darıǵa Nazarbaevany “myqty spıker boldy” dep maqtady, dep jazady qandastar.kz

«Men Darıǵa Nursultanqyzynyń qaramaǵynda bir jarym jyl qoıyn-qoltyq jumys istedim. Jurt anaý desin, mynaý desin, ol myqty Senat spıkerleriniń biri boldy, ony ashyq aıta alamyn. Oǵan pikirimdi ashyq aıtatynmyn. Ol kisiniń esigi ashyq boldy ár ýaqytta, kirip-shyǵý ońaı boldy. Darıǵa Nursultanqyzyn spıker retinde qatty baǵalaımyn. Bul sýbektıvti pikirim» — dedi Murat Baqtııaruly.

Sondaı-aq eks-senator Darıǵa Nazarbaevaǵa aıtylatyn syndarǵa qatysty oıyn bildirdi.

«Ol da adam, tragedııalyq otbasy. Balasynyń ólýi, onyń aýrýǵa ushyraýy, qaıtys bolýy — tragedııa. Meniń de balalarym bar, oǵan túsinistikpen qaraımyn. Al baılyǵyna qatysty áńgimelerge kelsek, ol meniń quzyretime jatpaıdy, arnaıy organdar shesher. Al biraq adam retinde, spıker retinde, sol kezdegi senatorlardyń kópshiliginen surańyz, Darıǵa Nursultanqyzy týraly bir aýyz jaman sóz aıta almaıdy. О́ıtkeni ol ashyq spıker boldy, túsinistikpen qaraıtyn spıker boldy, keıbir nárselerdi túbine deıin qaraıdy. Zań jobalary qaralǵanda fermerlerdi sózin bilmeı saǵattap otyryp tyńdaıtyn. Men úshin Darıǵa Nursultanqyzy qarapaıym boldy», — dedi eks-senator.