«Múshesin kórsetken»: Aqtaýda jigit lıftte eki jasóspirim qyzǵa shabýyl jasady

Aqtaýda 17 jastaǵy jigit úılerdiń birindegi lıftke kirgen eki qyzǵa shabýyl jasaǵan, dep habarlaıdy qandastar.kz Stan.kz-ke silteme jasap.

«Nemolchı» qorynyń aqparatyna sáıkes, 11 qazan kúni turǵyn úıdiń kire berisinde bolǵan jaǵdaı týraly qyzdardyń anasy aıtyp berdi.

“13 jastaǵy úlken qyz erekshe tústi arqaǵa iletin sómkesi bar jigitti birden baıqaǵan. Ony buryn-sońdy kórmegen de. Ol podezge qyzdardan birinshi kirip ketip, olardy úıge kire beris jerde kútip turǵan. Qyzdar lıftke kirgen soń, ol da sońynan kirgen. Jedelsatynyń ishinde qyzdarǵa múshesin kórsetip, olarǵa qol júgirte bastaǵan”, – delingen jazbada.

Jasóspirim muny kórip qoryqqannan bir orynda turyp, sóıleı almaǵan. 5 jastaǵy sińlisiniń shoshyǵan júzin kórgende ǵana “qash” dep aıǵaılaǵan. Sóıtip olar syrtqa qashyp shyǵyp, bolǵan jaǵdaıdy anasyna habarlasyp, aıtyp bergen.

Áıel eki qyzyn alyp ýchaskelik polıııaǵa barǵan. Sol kúni bolǵan jaǵdaı beınekameraǵa jazylǵan eken. 12 qazan kúni jigit óziniń sol jerde bolǵanyn moıyndaǵanymen, mundaı áreketke barmaǵanyn aıtty.

Qyzdardyń anasy polıııaǵa shaǵym túsirdi. Onyń aıtýynsha, áıel kúdiktini 16 qazan kúni kórgen. Sondaı-aq jigitiń jaqyndary zábir kórgen qyzdardyń anasyna kelip, shaǵymyn qaıtaryp alýyn suraǵan. Bolǵan jaǵdaıǵa qatysty Mańǵystaý oblysynyń polıııa departamenti oqıǵany rastady.

“Kámeletke tolmaǵan kúdikti ustalyp, polıııaǵa jetkizildi. Seksýaldyq sıpattaǵy áreketterge qatysty qylmystyq is qozǵaldy. Qazir oqıǵanyń mán-jaıyn anyqtaý úshin jedel-izdestirý sharalaryn júrgizip jatyrmyz”, – dep málimdedi oblystyq polıııa.