جاڭالىقتار
«مىقتى وپگ بولسا ەستيتىن ەدىك قوي». تالعاردا «سۋرەتكە ءتۇسىپ قايتقانى» ءۇشىن سىنعا قالعان نازاروۆ حاسان جايلى ايتتى
فوتو: اشىق دەرەككوز
ءماجىلىس دەپۋتاتى ارداق نازاروۆ الماتى وبلىسى تالعار قالاسىنا ساپارىندا سىنعا ءىلىندى. ونىڭ شەرزاتتىڭ ورتەنگەن ۇيىندە فوتوعا تۇسكەنىن كوپشىلىك ايىپتاپ, ناقتى ءىس ارەكەتكە كوشۋدى تالاپ ەتكەن. بۇگىن ول «حاسان وپگ» جايلى ەشتەڭە بىلمەيتىنىن, ەستىمەگەنىن ايتتى, دەپ حابارلايدى qandastar.kz Alash.kz ۇلتتىق پورتالىنا سىلتەمە جاساپ.
دەپۋتاتتىڭ شەرزات بولات ولتىرىلگەن دۇكەننىڭ الدىنا بارىپ, فوتوعا ءتۇسۋىن كوپشىلىك تۇسىنبەي قالعان. بۇگىن جۋرناليستەر دەپۋتاتقا ءماجىلىس كۋلۋارىندا وسىعان بايلانىستى بىرنەشە سۇراق قويدى. بۇل جايلى Ulysmedia.kz جازدى.
سونىمەن قاتار, “حاسان وپگ” دەگەندى ەستىمەگەنىن جەتكىزدى:
– مىقتى وپگ بولسا اتى شىققان جىگىتتەر بولسا, ەستيتىن ەدىك قوي. قازاقستاندا اتى شىققانداردى ءبارىمىز بىلەمىز. توقسانىنشى جىلدارى سارى الماس بولسىن, قارا الماس بولسىن, اتابانى بىلەم. سوندىقتان ونىڭ ءبارى الەۋمەتتىك جەلىنىڭ كەسىرىنەن “بانديتتەر بولعان سونداي” دەگەن سياقتى مۇمكىن سولارعا ءتيىپ جاتقان بولۋى مۇمكىن. كوشەدە قازىر كىم توبەلەسپەي جاتىر?
ال «تالعارعا بارعان كەزدە ءسىزدى كوپ سىناپ, اشىق جازدى. ءسىز سولاردىڭ ءبارىن وقىپ وتىرسىز با? نە دەپ جاۋاپ بەرەسىز?» دەگەن ساۋالعا:
– مىسالى مەن وقىمايمىن. باسىمدى قاتىرىپ قايتەم. ءتىپتى ءبىزدىڭ پايعامباردىڭ ءوزىن جىندى دەگەن. يسا پايعامباردى ولتىرمەكشى بولعان. ابايدىڭ ءوزىن قان جىلاتقان قازاقپىز. ونىڭ جانىندا ءبىز كىمبىز? شاكارىمدى قۇدىققا تاستاعان كەزدە ارداق نازاروۆقا سىن ايتۋ – مەن وعان قۋانامىن. دەپۋتات بولعانعا دەيىن سىندى ءار جەردەن ەستيتىنبىز. ول كەزدە مەنىڭ جانۇياما, سپورتزالىما جاۋاپ بەرەتىنمىن. كەيبىر جاستارعا جاساپ بەرەتىنمىن. ال قازىر حالىقتىڭ جاۋاپكەرشىلىگى تۇر عوي. سوندىقتان, 20 ملن ادام بار ما – سونشا پىكىر بار. “مەن ونداي ەمەسپىن, مەن وسىندايمىن, مەن جاقسى نيەتپەن باردىم, ازاماتتىق پارىزىم بار عوي, قاسىمدا موبيلوگراف بولعان جوق” دەپ اقتالمايمىن عوي. سوندىقتان مەن ءوزىمنىڭ ءىسىمدى بىلەم – دەدى نازاروۆ.
