Jańalyqtar
«Myqty OPG bolsa estıtin edik qoı». Talǵarda «sýretke túsip qaıtqany» úshin synǵa qalǵan Nazarov Hasan jaıly aıtty
Foto: ashyq derekkóz
Májilis depýtaty Ardaq Nazarov Almaty oblysy Talǵar qalasyna saparynda synǵa ilindi. Onyń Sherzattyń órtengen úıinde fotoǵa túskenin kópshilik aıyptap, naqty is áreketke kóshýdi talap etken. Búgin ol «Hasan OPG» jaıly eshteńe bilmeıtinin, estimegenin aıtty, dep habarlaıdy qandastar.kz Alash.kz ulttyq portalyna silteme jasap.
Depýtattyń Sherzat Bolat óltirilgen dúkenniń aldyna baryp, fotoǵa túsýin kópshilik túsinbeı qalǵan. Búgin jýrnalıster depýtatqa Májilis kýlýarynda osyǵan baılanysty birneshe suraq qoıdy. Bul jaıly Ulysmedia.kz jazdy.
Sonymen qatar, “Hasan OPG” degendi estimegenin jetkizdi:
– Myqty OPG bolsa aty shyqqan jigitter bolsa, estıtin edik qoı. Qazaqstanda aty shyqqandardy bárimiz bilemiz. Toqsanynshy jyldary Sary Almas bolsyn, Qara Almas bolsyn, Atabany bilem. Sondyqtan onyń bári áleýmettik jeliniń kesirinen “bandıtter bolǵan sondaı” degen sııaqty múmkin solarǵa tıip jatqan bolýy múmkin. Kóshede qazir kim tóbelespeı jatyr?
Al «Talǵarǵa barǵan kezde sizdi kóp synap, ashyq jazdy. Siz solardyń bárin oqyp otyrsyz ba? Ne dep jaýap beresiz?» degen saýalǵa:
– Mysaly men oqymaımyn. Basymdy qatyryp qaıtem. Tipti bizdiń Paıǵambardyń ózin jyndy degen. Isa paıǵambardy óltirmekshi bolǵan. Abaıdyń ózin qan jylatqan qazaqpyz. Onyń janynda biz kimbiz? Shákárimdi qudyqqa tastaǵan kezde Ardaq Nazarovqa syn aıtý – men oǵan qýanamyn. Depýtat bolǵanǵa deıin syndy ár jerden estıtinbiz. Ol kezde meniń januıama, sportzalyma jaýap beretinmin. Keıbir jastarǵa jasap beretinmin. Al qazir halyqtyń jaýapkershiligi tur ǵoı. Sondyqtan, 20 mln adam bar ma – sonsha pikir bar. “Men ondaı emespin, men osyndaımyn, men jaqsy nıetpen bardym, azamattyq paryzym bar ǵoı, qasymda mobılograf bolǵan joq” dep aqtalmaımyn ǵoı. Sondyqtan men ózimniń isimdi bilem – dedi Nazarov.
