«Myna jerdi sypyr!»: Kóshe tazalaýshyny jylatqan bloger qamaýǵa alyndy

Almatyda «áleýmettik eksperıment» túsirý kezinde qoǵamdyq tártipti óreskel buzǵan azamat jaýapqa tartyldy, dep habarlaıdy Qandastar.kz aqparat portaly.

«Áleýmettik jelilerde bir jigit pen qyzdyń ádeıi qoqys laqtyryp, kóshe tazalaýshy áıeldi balaǵattap, qorlaǵany túsirilgen vıdeo tarady. Olar bul áreketterin mazaq sózdermen súıemeldep, beınerolık sońynda bul jaı ǵana prank bolǵanyn aıtyp, keshirim surap, jábirlenýshige aqsha beredi. Bul jarııalanym qoǵamda keńinen rezonans týdyrdy. Qoldanýshylar mundaı kontentke narazylyq bildirip, eńbek adamdaryn qorlaýǵa jol berýge bolmaıtynyn aıtty. Polıııa qyzmetkerleri jedel áreket etip, qatysýshylardyń jeke basyn anyqtady, is sotqa joldandy», – delingen habarlamada.

Almaty qalasynyń ákimshilik quqyq buzýshylyq isteri jónindegi mamandandyrylǵan aýdanaralyq sotynda T-ǵa qatysty ákimshilik is qaraldy.

Sot málimetinshe, T «áleýmettik eksperıment» júrgizý barysynda qoǵamdyq tártipti buzyp, qoǵamdyq oryndy lastaǵan jáne aınalasyndaǵy adamdarǵa qurmetsizdik tanytyp, dóreki minez-qulyq kórsetken. Barlyq áreke beınejazbaǵa túsirilip, keıin áleýmettik jelilerde jarııalanǵan.

“Sot otyrysynda T kinásin moıyndady jáne is materıaldarynda kórsetilgen derekterdi rastady. Sot qaýlysymen T ákimshilik quqyqbuzýshylyqtyń 434-babynyń 1-bóligi boıynsha kináli dep tanylyp, oǵan 10 táýlikke ákimshilik qamaýǵa alý túrindýegi jaza taǵaıyndaldy”, – dep habarlady Almaty soty.

Sot qaýlysy zańdy kúshine engen joq.

Eske salaıyq, áleýmettik jelide er adam men júkti áıeldiń kóshe tazalap júrgen áıelderge dórekilik kórsetkeni túsirilgen vıdeo edi. Prank ekeni aıtylǵan vıdeo qatty synǵa ushyrap, qoǵamda qyzý talqyǵa tústi.

Vıdeodan er adam men júkti áıeldiń kóshe tazalap júrgen áıelderge daýys kóterip, «kıimimdi lastadyńdar» dep aıyptap, qoqys laqtyryp, kemsitip jatqanyn kórýge bolady. Bir kóshe tazalaýshy blogerlerdiń sózine shydaı almaı, jylap qalady.