«Nadan el qýanbas nársege qýanady»: Ahmetbek Nursıla Smetovtyń jeńisine qýanǵandardy synǵa aldy

Belgili kásipker Ahmetbek Nursıla Eldos Smetovtiń jeńisine qýanǵan qazaqqa shúılikti, dep habaarlaıdy KYN.KZ aqparat agenttigi.

Ol Abaı atamyzdyń sózin mysalǵa keltirip, jelide jazba jarııalady.

«Nadan el qýanbas nársege qýanady

Qazir «О́tirik kólgirsimeshi eı, haıp úshin jazyp otyrsyń» degen kommentterden kóz asha almaıtynymdy bilemin.  Olımpıada degen nárse bolaıyn dep jatqanan osy FB da «Rybakına olımııadaǵa barmady, qazaqtyń týyn mensinbedi» degen maqaladan sodan keıin «Olımpıada ashylýy nashar boldy» degen taǵy bir maqaladan kózim shalyp qalyp » Halyqtyń aqshasyn shashý festıfali bastalaıyn dep jatyr eken ǵoı» dep qoıǵam Búgin dostardyń chatynan «Eldos chempıon» degen (dál osylaı jumsaq belgimen jazylǵan) jazbany oqyp qaldym. Birden Abaı jaryqtyqtyń balýan men báıge jaıly sózi esime tústi.

«Bizdiń qazaqtyń qosqan aty aldynda kelse,kúreske túsirgen balýany jyqsa, salǵan qusy alsa, qosqan ıti ózgeden ozyp baryp ustasa, esi shyǵyp bir qýanady.

Bilmeımin, sodan artyq qýanyshy bar ma eken? Áı, joq ta shyǵar! Osy qýanysh bári de qazaq qaryndastyń ortasynda bir haıýannyń óneriniń artylǵanyna ıa bir bóten adamnyń jyqqanyna maqtanarlyq ne orny bar?

Júırik at – keıde ol elde, keıde bul elde bolatuǵyn nárse, qyran qus ta, júırik ıt te – keıde onyń qolyna, keıde munyń qolyna túsetuǵyn nárse.

Kúshti jigit te únemi bir elden shyǵa ma? Keıde ana elden, keıde myna elden shyǵady. Munyń bárin adam óz ónerimenen jasaǵan joq. Bir ozǵan, bir jyqqan únemi ozyp, únemi jyǵyp júrmeıdi.

Sonyń bárin de bile tura, jerge kirgendeı bolyp ıa bir aramdyǵy, jamandyǵy shyqqandaı nesine uıalyp, qorlanady eken?

Endi osylardan bilseńiz bolady: nadan el qýanbas nársege qýanady hám jáne qýanǵanda ne aıtyp, ne qoıǵanyn, ne qylǵanyn ózi bilmeı, esi shyǵyp, bir túrli mastyqqa kez bolyp ketedi. Hám uıalǵandary uıalmas nárseden uıalady, uıalarlyq nárseden uıalmaıdy.

Munyń bári – nadandyq, aqymaqtyqtyń áseri.

Bularyn aıtsań, keıbireýi «ras, ras» dep uıyǵan bolady. Oǵan nanba, erteń ol da álgilerdiń biri bolyp ketedi, – dep jazdy ol.