جاڭالىقتار
«ناعىز لەديلار ءوسىپ شىقتى»: بايان الاگوزوۆا قىزدارىن قالاي تاربيەلەگەنى جايلى ءبولىستى
قازاقستاندىق پروديۋسەر ءارى اكتريسا بايان الاگوزوۆا الەۋمەتتىك جەلىدەگى جازىلۋشىلارىمەن قىزدارىن قالاي تاربيەلەگەنى جونىندە وي ءبولىستى. مۋزىكاعا دەگەن سۇيىسپەنشىلىك دارىتىپ, ولاردى ناعىز لەدي ەتىپ وسىرگەنىن ايتتى, دەپ حابارلايدى Qandastar.kz اقپارات پورتالى.
كوپ بالالى انا اتانعان پروديۋسەر Instagram جەلىسىندەگى ستوريستە انا رەتىندە ءوز تاجىريبەسىمەن ءبولىستى.
«ماعان ءجيى قويار سۇراق – قالاي مۇنداي بالالار ءوسىردىڭىز? 10 جىل بۇرىن نەدەن باستاۋ كەرەك ەكەنىن, دالىرەك ايتسام, نەدەن جالعاستىرۋ كەرەكتىگىن بىلگەن ەدىم. ناتيجەسىندە وسى جازبادا كورسەتىلگەننىڭ بارىنە ساي ناعىز لەدي ءوسىپ شىقتى», – دەدى بايان ماقساتقىزى.
ول سونىمەن بىرگە ون جىل بۇرىن جاريالانعان جازباعا سىلتەمە قالدىرىپ, وندا كىشكەنتاي ايارۋدىڭ رويالدە ويناپ وتىرعان ۆيدەوسىن كورسەتتى.
«بالالارىمنىڭ جەتىستىكتەرىمەن ەڭ قاتتى ماقتانامىن! ەرتە جاستان باستاپ ولارعا ەڭ جاقسىنى بەرۋگە تىرىستىم. مۋزىكامەن بايلانىس – بالانى تارتىپكە, تاباندىلىق پەن جىگەرگە باۋلۋدىڭ ەڭ جاقسى جولدارىنىڭ ءبىرى. مەنىڭشە, بولاشاق ناعىز لەدي مۋزىكالىق اسپاپتا ويناپ, ادەمى بي بيلەي الۋى, بىرنەشە ءتىلدى ءبىلۋى كەرەك. ءبىز وسى باعىتتا باياۋ بولسا دا, نىق قادام باسىپ كەلەمىز», – دەپ جازدى پروديۋسەر.
