«Naǵyz ledılar ósip shyqty»: Baıan Alagózova qyzdaryn qalaı tárbıelegeni jaıly bólisti

Qazaqstandyq prodıýser ári aktrısa Baıan Alagózova áleýmettik jelidegi jazylýshylarymen qyzdaryn qalaı tárbıelegeni jóninde oı bólisti. Mýzykaǵa degen súıispenshilik darytyp, olardy naǵyz ledı etip ósirgenin aıtty, dep habarlaıdy Qandastar.kz aqparat portaly.

Kóp balaly ana atanǵan prodıýser Instagram jelisindegi storıste ana retinde óz tájirıbesimen bólisti.

«Maǵan jıi qoıar suraq – qalaı mundaı balalar ósirdińiz? 10 jyl buryn neden bastaý kerek ekenin, dálirek aıtsam, neden jalǵastyrý kerektigin bilgen edim. Nátıjesinde osy jazbada kórsetilgenniń bárine saı naǵyz ledı ósip shyqty», – dedi Baıan Maqsatqyzy.

Ol sonymen birge on jyl buryn jarııalanǵan jazbaǵa silteme qaldyryp, onda kishkentaı Aıarýdyń roıalde oınap otyrǵan vıdeosyn kórsetti.

«Balalarymnyń jetistikterimen eń qatty maqtanamyn! Erte jastan bastap olarǵa eń jaqsyny berýge tyrystym. Mýzykamen baılanys – balany tártipke, tabandylyq pen jigerge baýlýdyń eń jaqsy joldarynyń biri. Menińshe, bolashaq naǵyz ledı mýzykalyq aspapta oınap, ádemi bı bıleı alýy, birneshe tildi bilýi kerek. Biz osy baǵytta baıaý bolsa da, nyq qadam basyp kelemiz», – dep jazdy prodıýser.