نايزاعاي وينايدى: سينوپتيكتەر ەلىمىزدىڭ بىرقاتار وڭىرىنە ەسكەرتۋ جاسادى

سينوپتيكتەر اۋا رايىنا بايلانىستى ەلىمىزدىڭ بىرقاتار وڭىرىندە ەسكەرتۋ جاريالادى

سينوپتيكتەردىڭ بولجامى بويىنشا, 22 ساۋىردە استانادا جانە ەلىمىزدىڭ 13 وڭىرىندە نايزاعاي وينايدى. ماڭعىستاۋ جانە قىزىلوردا وبلىستارىندا شاڭدى داۋىل تۇرادى.

اتىراۋ وبلىسىندا نايزاعاي وينايدى. 23-26 ءساۋىر ارالىعىندا بولجانىپ وتىرعان قاتتى جاۋىن-شاشىنعا بايلانىستى جامبىل وبلىسىنىڭ تاۋلى جانە تاۋ بوكتەرىندەگى اۋداندارىندا كولبەۋ اعىن قالىپتاسۋى جانە وزەندەردەگى سۋ دەڭگەيى كوتەرىلۋى مۇمكىن.

سينوپتيكتەر اۆتوجولداردى, ەلدى مەكەندەردى جانە شارۋاشىلىق قۇرىلىستاردى سۋ باسۋى مۇمكىن ەكەنىن ەسكەرتتى.

قاراعاندى وبلىسىندا نايزاعاي جارقىلدايدى. ۇلىتاۋ وبلىسىندا جەل سوعادى, ەكپىنى سەكۋندىنا 15-20 مەتر.

پاۆلودار وبلىسىندا نايزاعاي وينايدى, جەل تۇرادى, ەكپىنى سەكۋندىنا 15-20 مەتر بولادى. اقمولا وبلىسىندا نايزاعاي جارقىلدايدى. ماڭعىستاۋ وبلىسىندا نايزاعاي وينايدى. تۇندە وبلىستىڭ باتىسىندا تۇمان تۇسەدى. كۇندىز وبلىستىڭ باتىسىندا, شىعىسىندا شاڭدى داۋىل تۇرادى.

شىعىس قازاقستان,  باتىس قازاقستان, اباي وبلىستارىندا نايزاعاي وينايدى. قىزىلوردا وبلىسىندا داۋىل بولادى. سولتۇستىك قازاقستان وبلىسىندا ەكپىنى سەكۋندىنا 15-20 مەتر بولاتىن جەل تۇرادى.

تۇركىستان وبلىسىندا تاۋلى جانە تاۋ بوكتەرىندەگى اۋدانداردا نايزاعاي ويناپ, داۋىل تۇرادى. استانادا نايزاعاي جارقىلدايدى.