Naızaǵaı oınaıdy: sınoptıkter elimizdiń birqatar óńirine eskertý jasady

Sınoptıkter aýa raıyna baılanysty elimizdiń birqatar óńirinde eskertý jarııalady

Sınoptıkterdiń boljamy boıynsha, 22 sáýirde Astanada jáne elimizdiń 13 óńirinde naızaǵaı oınaıdy. Mańǵystaý jáne Qyzylorda oblystarynda shańdy daýyl turady.

Atyraý oblysynda naızaǵaı oınaıdy. 23-26 sáýir aralyǵynda boljanyp otyrǵan qatty jaýyn-shashynǵa baılanysty Jambyl oblysynyń taýly jáne taý bókterindegi aýdandarynda kólbeý aǵyn qalyptasýy jáne ózenderdegi sý deńgeıi kóterilýi múmkin.

Sınoptıkter avtojoldardy, eldi mekenderdi jáne sharýashylyq qurylystardy sý basýy múmkin ekenin eskertti.

Qaraǵandy oblysynda naızaǵaı jarqyldaıdy. Ulytaý oblysynda jel soǵady, ekpini sekýndyna 15-20 metr.

Pavlodar oblysynda naızaǵaı oınaıdy, jel turady, ekpini sekýndyna 15-20 metr bolady. Aqmola oblysynda naızaǵaı jarqyldaıdy. Mańǵystaý oblysynda naızaǵaı oınaıdy. Túnde oblystyń batysynda tuman túsedi. Kúndiz oblystyń batysynda, shyǵysynda shańdy daýyl turady.

Shyǵys Qazaqstan,  Batys Qazaqstan, Abaı oblystarynda naızaǵaı oınaıdy. Qyzylorda oblysynda daýyl bolady. Soltústik Qazaqstan oblysynda ekpini sekýndyna 15-20 metr bolatyn jel turady.

Túrkistan oblysynda taýly jáne taý bókterindegi aýdandarda naızaǵaı oınap, daýyl turady. Astanada naızaǵaı jarqyldaıdy.