«Nannyń baǵasy 50 teńge bolýy kerek» – Almasbek Sadyrbaı

Foto: ashyq derekkóz

«Shańyraq» ulttyq agro-qozǵalysy» RQB tóraǵasy Almasbek Sadyrbaı Adal ADAM youtube arnasyna bergen suhbatynda Qazaqstanda un men nan nege qymbattaǵanyn túsindirdi, dep habarlaıdy qandastar.kz

«Aýyl sharýashylyǵyna Asyljan Mamytbekov mınıstr bolǵannan keıin Qazaqstanda un óndirisi quldyraı bastady. Nege? Sebebi Aqylbek Kúrishbaev, Ahmetjan Esimovten keıin kelgen mınıstrler dıirmenderdiń sanyn azaıtty. Elimizde 1800 dıirmen boldy, búgingi kúni Qazaqstanda qalǵany, naqty jumys istep turǵany – 40 dıirmen. 40 dıirmenniń qojaıyndary bir-birimen aýyz jalasyp ymyraǵa kelip otyr. Unnyń baǵasyn túsirmeımiz dep.

Mende qarapaıym suraq, aıtyńyzdarshy, bıdaıdyń baǵasy búginde 50 teńge bolǵanda, unnyń baǵasy qansha bolýy kerek? Unnyń baǵasy 100 teńge bolýy kerek. Al nannyń salmaǵy 600 gramm bolsa, nannyń baǵasy shamamen 65 teńge bolýy kerek ary ketkende. Oǵan qosa, nan pisirgeni úshin naýbaıhanalarǵa úkimet sýbsıdııalap jatyr. Osyny eskersek, búgingi kúni nannyń baǵasy 50 teńge bolýy kerek. Qarapaıym arıfmetıka. Al qazir 100 teńgeden kem nan tappaısyz. Nege un arzan emes? О́ıtkeni 40 qana dıirmen qaldy, solar kelisim qymbat kúıinde ustap otyr. Demek 40 dıirmen kishkentaı dıirmen emes, olar alpaýyt dıirmender, olar agro olıgarhtardyń dıirmenderi. Bular kishkentaı dıirmenderdi tunshyqtyryp, jaýyp tastaǵan. Osy olıgarhtardyń barlyǵy búgingi aýyl sharýashylyǵy mınıstriniń tóńiregine jınalǵan», – deıdi Almasbek Sadyrbaı.