جاڭالىقتار
نارازى توپ: جالعىز باسپانادان ايرىلعالى تۇرمىز, «Forte Bank» توراعاسى بەكجان ءپىرماتوۆ وتستاۆكاعا كەتسىن
فوتو: forbes.kz
ۆيدەو: https://www.facebook.com/share/v/DtSvgUMeK2ZDs6cz/?mibextid=Ly78Ri&startTimeMs=2000
يپوتەكالىق نەسيە الۋشىلار مەن مۇگەدەكتەردەن قۇرالعان باستاماشىل توپ «Forte Bank»-تىڭ ارەكەتسىزدىگىنە شاعىمدانىپ, باسقارما توراعاسى بەكجان ءپىرماتوۆتىڭ وتستاۆكاعا كەتۋىن تالاپ ەتۋدە, – دەپ حابارلايدى qandastar.kz.
بەينەجازبادا كورسەتىلگەندەي, نارازى توپ بانك سوڭعى ۋاقىتتارى جۇمىس توبىنىڭ شەشىمى بويىنشا نەسيەلەردى قارجىلاندىرۋدان جانە قايتا قارجىلاندىرۋدان باس تارتىپ وتىرعانىن, بۇل ءوز كەزەگىندە قوعامداعى ەكونوميكالىق تۇراقسىزدىققا اكەلەتىنىن ايتادى. ونىڭ ۇستىنە قازىر «Forte Bank»-تىڭ رەيتينگى دە بۇرىنعىداي شارىقتاپ تۇرعان جوق دەلىنەدى بەينەجازبادا.
«2015 جىلى «Forte Bank»-كە ەڭ كوپ قارجى قۇيىلدى. ال, سول ميللياردتار قازىر قايدا? سۋسن ساناتىنداعى قارىز الۋشىلار ءۇشىن 2/1 ءبولىمى بويىنشا بورىشتىق جۇكتەمەنى ازايتۋعا باعىتتالعان اقشا قايدا? مەملەكەتتiك باعدارلاما باسقارما توراعاسىنىڭ قالاۋىمەن تىستا قالا ما? ءبىزدىڭ جالعىز باسپانادان ايىرىلىپ قالۋ قاۋپiمىز بار.
قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ابىلقاسىموۆاعا بۇل ماسەلەنىڭ ءمان-جايىن جەتكىزدىك, بانككە بۇل تۇيتكىلدى شەشۋدى تاپسىردى. الايدا ناتيجە جوق. 37 ادام اراشا كۇتەمىز, پرەزيدەنتتەن, جاۋاپتى ورىنداردان ءۇمىت كۇتەمىز, سوتتان دا تايىنبايمىز. اشىقتىقتان الشاق «Forte Bank»-كە, كەزدەسۋدەن, اركەز تالقىلاۋدان قاشقان بەكجان پىرماتوۆقا دەگەن وكپەمىز قارا قازانداي. الەۋمەتتىك جەلىگە شىعىپ, اۋرە بولىپ وتىرعانىمىزدان دا سودان», – دەيدى بەينەجازبا اۆتورى.
