Narazy top: Jalǵyz baspanadan aırylǵaly turmyz, «Forte Bank» tóraǵasy Bekjan Pirmatov otstavkaǵa ketsin

Foto: forbes.kz

Vıdeo: https://www.facebook.com/share/v/DtSvgUMeK2ZDs6cz/?mibextid=Ly78Ri&startTimeMs=2000

Ipotekalyq nesıe alýshylar men múgedekterden quralǵan bastamashyl top «Forte Bank»-tyń áreketsizdigine shaǵymdanyp, Basqarma tóraǵasy Bekjan Pirmatovtyń otstavkaǵa ketýin talap etýde, – dep habarlaıdy qandastar.kz.

Beınejazbada kórsetilgendeı, narazy top bank sońǵy ýaqyttary jumys tobynyń sheshimi boıynsha nesıelerdi qarjylandyrýdan jáne qaıta qarjylandyrýdan bas tartyp otyrǵanyn, bul óz kezeginde qoǵamdaǵy ekonomıkalyq turaqsyzdyqqa ákeletinin aıtady. Onyń ústine qazir «Forte Bank»-tyń reıtıngi de burynǵydaı sharyqtap turǵan joq delinedi beınejazbada.

«2015 jyly «Forte Bank»-ke eń kóp qarjy quıyldy. Al, sol mıllıardtar qazir qaıda? SÝSN sanatyndaǵy qaryz alýshylar úshin 2/1 bólimi boıynsha boryshtyq júktemeni azaıtýǵa baǵyttalǵan aqsha qaıda? Memlekettik baǵdarlama basqarma tóraǵasynyń qalaýymen tysta qala ma? Bizdiń jalǵyz baspanadan aıyrylyp qalý qaýpimiz bar.

Qarjy naryǵyn retteý jáne damytý agenttiginiń tóraıymy Mádına Ábilqasymovaǵa bul máseleniń mán-jaıyn jetkizdik, bankke bul túıtkildi sheshýdi tapsyrdy. Alaıda nátıje joq. 37 adam arasha kútemiz, Prezıdentten, jaýapty oryndardan úmit kútemiz, sottan da taıynbaımyz. Ashyqtyqtan alshaq «Forte Bank»-ke, kezdesýden, árkez talqylaýdan qashqan Bekjan Pirmatovqa degen ókpemiz qara qazandaı. Áleýmettik jelige shyǵyp, áýre bolyp otyrǵanymyzdan da sodan», – deıdi beınejazba avtory.