نارازىلىق پەن كۇمان: ForteBank كليەنتتەرىنىڭ شوتتاعى اقشاسى نەگە سەبەپسىز جوعالىپ جاتىر

ForteBank – قازاقستانداعى ەڭ ءىرى كوممەرتسيالىق بانكتەردىڭ ءبىرى. سوڭعى جىلدارى بۇل قارجى ۇيىمى جاڭاشىلدىققا, تسيفرلىق قىزمەتتەرگە جانە كليەنتكە قولايلى ينتەرفەيس جاساۋعا باعىتتالعانىمەن, قوعامدا بانككە قاتىستى تەرىس پىكىرلەر ءجيى ايتىلىپ ءجۇر. اسىرەسە الەۋمەتتىك جەلىلەر مەن مەديا كەڭىستىكتە كليەنتتەردىڭ ناقتى شاعىمدارى, بانك قاۋىپسىزدىگىنە دەگەن كۇمان جانە بانكتىڭ جاۋاپ بەرۋ مادەنيەتىنە بايلانىستى ەلەۋلى سىن بار, دەپ جازادى Skifnews.kz اقپارات پورتالى.

1. اقشانىڭ رۇقساتسىز جوعالۋى: شوت قاۋىپسىزدىگىنە سەنىمسىزدىك

كليەنتتەردىڭ ەڭ ءجيى كوتەرەتىن ماسەلەسى – بانك شوتىنان اقشانىڭ بەلگىسىز سەبەپپەن جوعالۋى نەمەسە ۇرلانۋى.

ەستەرىڭىزگە سالا كەتسەك, 2025 جىلدىڭ مامىر ايىندا بانك كليەنتتىڭ كارتاسىنان 300 000 تەڭگە شەتەلدە, اتاپ ايتقاندا, دۋبايدا جۇمسالعانىن جازعان ەدىك. كليەنتتىڭ ايتۋىنشا, سول ۋاقىتتا ءوزى قازاقستانداعى اۋىلدىق جەردە بولعان, تەلەفون مەن كارتا وزىندە بولعان, ەشكىمگە دەرەكتەرىن بەرمەگەن. الايدا اقشا بەكىتىلمەگەن ترانزاكتسيا ارقىلى الىنىپ كەتكەن. زالال شەككەن قىزدىڭ قۇربىسىنىڭ ايتۋىنشا, قاراجات شەشىلگەن ساتتە ول اۋىلدىق جەردە بولعان, بانك كارتاسى مەن تەلەفونى وزىندە بولعان, دەرەكتەرىن ەشكىمگە بەرمەگەن. سوعان قاراماستان, اقشا دۋبايدا شەشىلگەنى تۋرالى اقپاراتتان باسقا — ەشقانداي راستاۋ كودى دا, حابارلاما دا كەلمەگەن.

جابىرلەنۋشى الەۋمەتتىك جەلىدە اشۋىن ءبىلدىرىپ, بانك كليەنتتەرىن قورعامايتىنىن جانە كىنانى وزدەرىنە اۋداراتىنىن ايتتى: «بۇل جاڭا سەرۆيس دەڭگەيى مە? بۇل كليەنتتەردى قورعاۋ ما? مۇندا بانك جۇيەسىندەگى دەرەكتەردىڭ تاراپ كەتكەنى انىق. بىراق ونى مويىنداۋدىڭ ورنىنا, كىنانى كليەنتكە جابۋدا», – دەپ جازدى ول.

سونداي-اق, بانك قىزمەتكەرلەرى ءبىر-بىرىنە قاراما-قايشى تۇسىنىكتەمەلەر بەرگەن — بىرەۋى حالىقارالىق اۋدارىم دەسە, ەكىنشىسى QR-كود ارقىلى تولەم جاساعانىن ايتقان.

ال, ForteBank وكىلدەرى ناقتى اقپارات بەرۋدەن باس تارتىپ, جاعداي بانك پەن كليەنت اراسىندا قاراستىرىلىپ جاتقانىن جەتكىزدى:   «قازىر تەرگەۋ ءجۇرىپ جاتىر, ءبىز كليەنتپەن بايلانىسقا شىقتىق», – دەدى بانك ءباسپاسوز قىزمەتى.بانك ءوز شوتتارى اراسىنداعى اۋدارىمدارعا دەيىن ءجيى توسقاۋىل قويىپ وتىرادى: «جۇيە كۇماندى وپەراتسيانى انىقتاسا, ونى دەرەۋ توقتاتادى. قازىر الاياقتىق سحەمالار وتە كوپ. كليەنتتەردىڭ قاراجاتىن قورعاۋ — باستى باسىمدىق», – دەيدى بانكتەگىلەر.

الايدا ءدال وسى جاعداي جۇيەگە كۇدىكتى بولىپ كورىنبەگەن.

وسىنداي جاعداي كوپتەگەن كليەنتتەردىڭ باسىنان ءوتىپ جاتىر. الەۋمەتتىك جەلىلەردە وسىعان ۇقساس وقيعالارعا قاتىستى ونداعان پىكىرلەر مەن شاعىمدار تابۋعا بولادى.

قوعامدىق رەاكتسيا مەن كليەنتتەردىڭ نارازىلىعى

كليەنتتەردىڭ بانككە دەگەن نارازىلىعى تەك جەكە شاعىممەن شەكتەلمەيدى. الەۋمەتتىك جەلىلەردە بۇل جاعداي جاپپاي قوعامدىق رەزونانسقا اينالدى.

???? پىكىرلەر مەن شاعىمدار:

“ForteBank – كليەنتتىڭ ەمەس, تەك جۇيەنىڭ مۇددەسىن قورعايتىن بانك”;

“بانك جۇيەسىندە دەرەكتەردىڭ اعىپ كەتۋى بار سياقتى”;

“ForteBank-تە اقشا ساقتاۋ قاۋىپتى بولىپ تۇر”;

“سەنىم جوعالدى, باسقا بانككە كوشەمىن”.

بۇعان قوسا, كەي تانىمال بلوگەرلەر مەن جۋرناليستەر بانككە قاتىستى اشىق سىن ايتىپ, قۇقىق قورعاۋ ورگاندارىن تەرگەۋ جۇرگىزۋگە شاقىرىپ جاتىر.

ۇقساس جاعدايلار:

جىل

كليەنت

ماسەلە

بانك جاۋابى

2022

اندرەي ليۋتسي

80 000 تەڭگە جوعالدى

اقشا قايتارىلمادى

2023

Wavy.braid

150 000 تەڭگە دۋبايدا جۇمسالدى

Apple Pay-مەن بايلانىستىرىلدى

2019

Aidana Saduakassova

270 000 تەڭگە دەپوزيتتەن الىنعان

ەشقانداي تۇسىنىكتەمە بەرىلمەگەن

بانك قاۋىپسىزدىگىنە قاتىستى سۇراقتار

CVV-كود پەن سمس-قۇپياسوزسىز تولەمدەر

بانك كەي ترانزاكتسيالار كەزىندە CVV-كود نەمەسە سمس-قۇپياسوزدى تالاپ ەتپەيتىنىن مويىنداعان. بۇل اسىرەسە Apple Pay, QR-كود نەمەسە شەتەل تەرمينالدارى ارقىلى تولەم جاساعاندا كەزدەسەدى. ياعني, كليەنتتىڭ كارتاسى مەن تەلەفونى ۇرلانباسا دا, ونىڭ دەرەكتەرىن پايدالانۋ ارقىلى اقشا شەشىپ الۋعا بولادى.

مۇنداي جۇيە بانك تاراپىنان دەرەكتەردىڭ دۇرىس قورعالمايتىنىن كورسەتەدى.

قولداۋ قىزمەتىنىڭ السىزدىگى جانە جاۋاپكەرشىلىكتىڭ بولماۋى

بانك تاراپىنان رەسمي تۇسىنىكتەمە جوق

كليەنتتەر بىرنەشە مارتە بانككە رەسمي حات, شاعىم نەمەسە سۇرانىس جىبەرسە دە, جاۋاپ رەتىندە قىسقا, شابلوندى حابارلامالار عانا الادى. كوپ جاعدايدا:

“بۇل ماسەلە بانك پەن كليەنت اراسىندا قارالۋى ءتيىس”;

“ىشكى تەرگەۋ جۇرگىزىلۋدە”;

ء“سىزدىڭ وپەراتسياڭىز قاۋىپسىزدىك جۇيەسىنە سايكەس ورىندالعان”.

مۇنداي جاۋاپتار كليەنتتىڭ سۇراعىنا ناقتى جاۋاپ بەرمەيدى, تەك بانكتىڭ جاۋاپكەرشىلىكتەن جالتارۋىن كورسەتەدى. بۇل – قارجى ۇيىمىنا دەگەن سەنىمدى السىرەتەتىن نەگىزگى فاكتورلاردىڭ ءبىرى.

بانك جۇيەسىنىڭ ىشكى قايشىلىعى

كەي كليەنتتەر ءوز شوتتارى اراسىنداعى قاراجاتتى اۋدارعىسى كەلسە, ForteBank بۇل وپەراتسيانى «كۇدىكتى ترانزاكتسيا» دەپ بەلگىلەپ, بلوكتاپ تاستايدى. مۇنداي ارەكەتتەر الاياقتىققا قارسى كۇرەس رەتىندە تۇسىندىرىلسە دە, شىن مانىندە بانك:

ىشكى وپەراتسيالارعا تىم قاتتى شەكتەۋ قويادى, ال شىن مانىندە كۇماندى تولەمدەر (مىسالى, شەتەلگە زاڭسىز اۋدارىم) ەش كەدەرگىسىز وتەدى;

جۇيە سەلەكتيۆتى تۇردە جۇمىس ىستەيدى — ناقتى زيان كەلتىرەتىن وپەراتسيالار توقتاتىلمايدى, ال قاراپايىم كليەنتتەردىڭ ءىس-ارەكەتى شەكتەلەدى.

كليەنتتەر مەن قوعام تاراپىنان بانككە قويىلىپ جاتقان باستى تالاپتار:

شىنايى تەرگەۋ جۇرگىزۋ – ءاربىر شاعىمدى اۆتوماتتى تۇردە ەمەس, ناقتى قاراستىرۋ;

كليەنتكە اقپارات بەرۋ مىندەتىن زاڭمەن كۇشەيتۋ – بانكتەر كليەنتكە تولىق ەسەپ پەن دالەل ۇسىنۋعا مىندەتتى بولۋى كەرەك;

قاۋىپسىزدىك جۇيەسىن جەتىلدىرۋ – شەتەل ترانزاكتسيالارىنا جەكە راستاۋ تالاپ ەتىلۋى كەرەك;

كليەنتپەن كەرى بايلانىستى كۇشەيتۋ – Call-center مەن چات-بوتتار ناقتى شەشىم ۇسىناتىن دەڭگەيگە جەتۋى ءتيىس;

تاۋەلسىز اۋديت جۇرگىزۋ – ForteBank-ءتىڭ جۇيەسىندە دەرەك اعىپ كەتۋ مۇمكىندىگى بار ما, سونى انىقتاۋ قاجەت.

ForteBank – تسيفرلىق شەشىمدەرمەن تانىلعان جانە قازاقستاننىڭ ءىرى بانكتەرىنىڭ ءبىرى بولعانىمەن, سوڭعى جىلدارى كليەنتتەردىڭ سەنىمى السىرەپ كەلەدى. اقشانىڭ جوعالۋى, بانكتىڭ ۇنسىزدىگى, فورمالدى جاۋاپتار مەن كۇماندى وپەراتسيالار قوعامدا بانكتىڭ رەپۋتاتسياسىنا كەرى اسەرىن تيگىزۋدە.

ەگەر بانك ناقتى شارا قولدانباسا, اشىقتىقتى ارتتىرماسا جانە كليەنت مۇددەسىن ءبىرىنشى ورىنعا قويماسا, بۇل ۇزاق مەرزىمدى بەدەلدىك شىعىنعا اكەلۋى مۇمكىن.