Narıman Qurbanov Aqordaǵa barǵan joq. Sebebi anyqtaldy

Foto: QR UOK

Parıj olımpıadasynyń kúmis júldegeri Narıman Qurbanovtyń prezıdent Qasym-Jomart Toqaevtyń oıyndardyń júldegerlerin qabyldaý rásiminde nege bolmaǵany belgili boldy, dep habarlaıdy El.kz aqparat agenttigi.

Onyń is-sharaǵa kelmeýiniń sebebin prezıdenttiń keńesshisi – baspasóz hatshysy Berik Ýálı málimdedi.

Memleket basshysy búgin Aqordada Parıjdegi Olımpıada oıyndarynyń júldegerlerin qabyldady. Biraq saltanatty rásimge sporttyq gımnast Narıman Qurbanov kele almaǵan.

Prezıdent Qasym-Jomart Toqaev búgin Aqordada HHHIII Olımpıada oıyndarynyń júldegerlerine memlekettik marapattardy tabystady. О́kinishke qaraı, Olımpıadanyń kúmis júldegeri Narıman Qurbanov saltanatty rásimge aýyryp qalyp qatysa almady. Biz oǵan tezirek saýyǵyp ketýin tileımiz, – dedi Berik Ýálı.