Narıman Qurbanov Horvatııadaǵy Álem kýbogy kezeńinde el qorjynyna medal saldy

Foto: olımpık

Sporttyq gımnastıkadan Qazaqstan quramasynyń ókili Narıman Qurbanov Horvatııanyń Osıek qalasynda ótip jatqan Álem kýbogy kezeńinde qola júldege ıe boldy, dep habarlaıdy qandastar.kz

Gımnast at snarıadyndaǵy jattyǵýdyń fınalynda sátti óner kórsetip, sheshýshi baǵdarlamada 14.233 upaı jınady. Osy nátıjemen Qurbanov Álem kýbogy kezeńin úshinshi orynmen aıaqtady.

Dál osy baǵdarlamada Zeınolla Ydyrysov segizinshi orynǵa turaqtady.

Al altyn medaldi armenııalyq Gamlet Manýkıan (14.633 upaı) jeńip aldy. Kúmis júlde qytaılyq Tıanlýn Gaoǵa buıyrdy — 14.400 upaı.

Aıta keteıik, buǵan deıin Mılad Karımı erkin jattyǵý baǵdarlamasy boıynsha úshinshi oryn alǵan bolatyn. Ol 13 sáýirde kermedegi jattyǵý baǵdarlamasynyń fınalynda óner kórsetedi.