Narıman Qurbanovqa avtokompanııa kólik mingizdi

Foto: ashyq derekkóz

Parıj Olımpıadasynyń kúmis júldegeri Narıman Qurbanovqa qazaqstandyq Allur avtokólik kompanııasy Skoda Kodiaq kóligin syıǵa tartty.

Narımandy qoldaı alǵanymyzǵa qýanamyz. Bul kólik onyń jańa belesterge jeter jolda senimdi serigi bolady degen úmittemiz, – dedi Allur kompanııasynyń ókili Stanıslav O-Iýn-Bem.

О́z kezeginde sportshy da olarǵa alǵys aıtyp, rızashylyǵyn bildirdi.

Otandyq kompanııanyń jeńisimdi osylaı baǵalaǵanyna rızamyn. Bul syılyq meni ári qaraı damýǵa, jańa jetistikterge jetýge yntalandyrady, – dedi Narıman Qurbanov.

Eske sala ketsek, qazaqstandyqtar Parıj Olımpıadasynda sporttyq gımnastıkadan kúmis júlde alǵan Qurbanovtyń eleýsiz qalǵanyna qynjylys bildirgen edi. Sebebi kúmis, qola medal enshilegen ózge sportshylar Parıjden elge orala salysymen kásipkerler tarapynan bir-bir kólik minip, syı-sııapatqa kenelip jatqan bolatyn.

Foto: Allur baspasóz qyzmeti