نارتاي ارالباي: زاڭعا لەگيونەرلەرگە مەملەكەتتىڭ بيۋدجەتىنەن ءبىر تيىن قاراجات بولىنبەۋى ءتيىس دەگەن نورما ەنگىزدىك

«ۇلتتىق قۇرامانى دايىنداۋعا جəنە ونىڭ پاريج وليمپياداسى ويىندارىنا قاتىسۋىنا 980 ميلليون تەڭگە بولىنگەنىن ايتتى مينيسترلىك وكىلدەرى. جəنە 2023 جىلى رەسپۋبليكالىق بيۋدجەتتەن سپورتقا 61,3 ميلليارد تەڭگە بولىنگەنىن حابارلادى. بۇل وتە كوپ قاراجات. مەملەكەت باسشىسى پاريج وليمپياداسىنىڭ جۇلدەگەرلەرىمەن كەزدەسكەندە: «سالالىق مينيسترلىك, ۇلتتىق وليمپيادا كوميتەتى, وڭىرلەردەگى سپورت باسقارمالارى مەن فەدەراتسيالاردىڭ جۇمىسىندا ولقىلىق كوپ ءəرى ءوزارا ۇيلەسىمدى جۇمىس جوق دەپ سانايمىن. قازىرگى جاعدايعا قاراعاندا, سپورت فۋنكتسيونەرلەرى سالانى دامىتۋمەن ەمەس, ميللياردتاعان بيۋدجەت قارجىسىن يگەرۋمەن əلەك» دەدى. بۇل وتە ۇلكەن سىن» دەيدى.

سۇراق كوپ, سەبەبى ناقتى ەسەپتى, ءتيىستى قۇجاتتى, قيساپسىز قارجىنىڭ ناقتى قايدا كەتكەنىن قاراپايىم حالىق كورگەن جوق. بيۋدجەتتىڭ قارجىسىن قارپىپ العان فەدەراتسيالاردا ءۇن-ءتۇنسىز وتىر.
مəجىلىستە «سپورت تۋرالى» زاڭ جوباسى قارالىپ جاتىر. جۇمىس توبىندا زاڭعا لەگيونەرلەرگە مەملەكەتتىڭ بيۋدجەتىنەن ءبىر تيىن قاراجات بولىنبەۋى ءتيىس دەگەن نورما ەنگىزدىك. جəنە كۆازيمەملەكەتتىك سەكتوردان دا لەگيونەرلەرگە مۇلدەم قاراجات بەرىلمەسىن دەگەن نورمانى ۇسىندىق. جۇمىس توبىندا قابىلداندى. ۇكىمەتتىڭ قورىتىندىسىنا جولداندى. وسى تۇستا پرەزيدەنت قاسىم-جومارت توقاەۆتىڭ: «كەز كەلگەن لەگيونەر ۇلتتىق قۇراماعا شاقىرتۋ العىسى كەلەتىن جاس ءəرى بولاشاعىنان كوپ ءۇمىت كۇتتىرەتىن اتلەتتەرىمىزدىڭ جولىن كەسەدى. لەگيونەر-سپورتشىلاردىڭ جەتىستىگى بۇگىن مەرەيىڭدى وسىرگەنمەن, ەرتەڭ ابىرويىڭدى اسقاقتاتپايدى» دەگەنىن ۇكىمەتتىڭ قاپەرىنە سالعىم كەلەدى, دەيدى.

تاعى ءبىر وزەكتى مəسەلە, ۋاعىندا مينيسترلىك تىركەپ تاستاعان 180 سپورت ءتۇرىن ازايتۋ. ونىڭ ىشىندە جوعارى جەتىستىكتەر سپورتى دەپ تانىلعان وليمپيادا, پاراوليمپيادا, سۋردووليمپيادا, ازيا, پاراازيا جəنە ۇلتتىق سپورت تۇرلەرىنە عانا قاراجات ءبولۋ كەرەك دەگەن نورما بار. جۇمىس توبىندا قولداۋ تاپتى. بۇل وزگەرىستەر دە قازىر ۇكىمەتتىڭ قورىتىندىسىندا جاتىر. قولدايدى دەپ ويلايمىز.
جەلگە ۇشقان قيساپسىز قاراجاتتى اۋىل سپورتىن, بۇقارالىق سپورتتى دامىتۋعا جəنە پارا سپورتشىلاردى قولداۋعا باعىتتاسا جاعداي əلدەقايدا وڭالار ەدى. تاسادا قالعان تالانتتاردى تاۋىپ تəربيەلەسەك شەتەلدىك سپورتشىلارعا كۇنىمىز قاراماس ەدى. سەبەبى سپورتتىق ينفراقۇرىلىم تۇرماق قاراپايىم الاڭقايى جوق اۋىلدار قانشاما. مەملەكەت باسشىسى بيىلعى جولداۋىندا: «بۇل سالاداعى زاڭنامانى جاڭارتاتىن كەز كەلدى دەپ ويلايمىن. زاڭعا ەنگىزىلەتىن وزگەرتۋلەر بۇقارالىق سپورت پەن بالالار سپورتىن دامىتۋعا زور سەرپىن بەرەدى. سونداي-اق بولاشاق جەڭىمپازدار شوعىرىن دايارلاۋعا جول اشادى» دەپ ناقتى تاپسىرما بەردى. سوندىقتان بۇل جۇمىستى ۇكىمەتپەن بىرلەسىپ سوزباققا سالماي اتقارۋ مىندەت.
وعان قوسا تومەن جالاقى الاتىن جاتتىقتىرۋشىلاردىڭ جۇمىس ساعاتىن رەتتەۋدى دەپۋتاتتار ۇسىندى, جۇمىس توبىندا قابىلداندى بۇل نورمالار, ۇكىمەتكە جولداندى, قورىتىندى بەرىلەدى دەپ سەنەمىز.