Jańalyqtar
Nartaı Aralbaı: Zańǵa legıonerlerge memlekettiń bıýdjetinen bir tıyn qarajat bólinbeýi tıis degen norma engizdik
Foto: ashyq derekkóz
Májilis depýtaty óziniń paraqshasynda jańadan taǵaıyndalǵan týrızm jáne sport mınıstri Erbol Myrzabosynovpen kezdeskenin, mınıstrge sport salasyndaǵy bylyqty retteý keregin, esepsiz aqshany únemdeý keregin, Sport týraly Zańdy durys daıyndaý keregin eskertkenin jazdy, dep habarlaıdy qandastar.kz Alash.KZ-ke silteme jasap.
Depýtat:
«Ulttyq quramany daıyndaýǵa jəne onyń Parıj Olımpıadasy oıyndaryna qatysýyna 980 mıllıon teńge bólingenin aıtty mınıstrlik ókilderi. Jəne 2023 jyly respýblıkalyq bıýdjetten sportqa 61,3 mıllıard teńge bólingenin habarlady. Bul óte kóp qarajat. Memleket basshysy Parıj olımpıadasynyń júldegerlerimen kezdeskende: «Salalyq mınıstrlik, Ulttyq olımpıada komıteti, óńirlerdegi sport basqarmalary men federaııalardyń jumysynda olqylyq kóp əri ózara úılesimdi jumys joq dep sanaımyn. Qazirgi jaǵdaıǵa qaraǵanda, sport fýnkıonerleri salany damytýmen emes, mıllıardtaǵan bıýdjet qarjysyn ıgerýmen əlek» dedi. Bul óte úlken syn» deıdi.
Nartaı Aralbaıuly sport salasyna bólingen qarjynyń qaıda ketkeninen halyqtyń habarsyz ekenin eskertedi.
Suraq kóp, sebebi naqty esepti, tıisti qujatty, qısapsyz qarjynyń naqty qaıda ketkenin qarapaıym halyq kórgen joq. Bıýdjettiń qarjysyn qarpyp alǵan federaııalarda ún-túnsiz otyr.
Məjiliste «Sport týraly» zań jobasy qaralyp jatyr. Jumys tobynda Zańǵa legıonerlerge memlekettiń bıýdjetinen bir tıyn qarajat bólinbeýi tıis degen norma engizdik. Jəne kvazımemlekettik sektordan da legıonerlerge múldem qarajat berilmesin degen normany usyndyq. Jumys tobynda qabyldandy. Úkimettiń qorytyndysyna joldandy. Osy tusta Prezıdent Qasym-Jomart Toqaevtyń: «Kez kelgen legıoner ulttyq quramaǵa shaqyrtý alǵysy keletin jas əri bolashaǵynan kóp úmit kúttiretin atletterimizdiń jolyn kesedi. Legıoner-sportshylardyń jetistigi búgin mereıińdi ósirgenmen, erteń abyroıyńdy asqaqtatpaıdy» degenin Úkimettiń qaperine salǵym keledi, deıdi.
Májilismen mınıstrlik tirkep qoıǵan sany bar, sapasy joq kóp sport túrine de toqtalypty.
Taǵy bir ózekti məsele, ýaǵynda mınıstrlik tirkep tastaǵan 180 sport túrin azaıtý. Onyń ishinde joǵary jetistikter sporty dep tanylǵan olımpıada, paraolımpıada, sýrdoolımpıada, azııa, paraazııa jəne ulttyq sport túrlerine ǵana qarajat bólý kerek degen norma bar. Jumys tobynda qoldaý tapty. Bul ózgerister de qazir Úkimettiń qorytyndysynda jatyr. Qoldaıdy dep oılaımyz.
Jelge ushqan qısapsyz qarajatty aýyl sportyn, buqaralyq sportty damytýǵa jəne para sportshylardy qoldaýǵa baǵyttasa jaǵdaı əldeqaıda ońalar edi. Tasada qalǵan talanttardy taýyp tərbıelesek sheteldik sportshylarǵa kúnimiz qaramas edi. Sebebi sporttyq ınfraqurylym turmaq qarapaıym alańqaıy joq aýyldar qanshama. Memleket basshysy bıylǵy Joldaýynda: «Bul saladaǵy zańnamany jańartatyn kez keldi dep oılaımyn. Zańǵa engiziletin ózgertýler buqaralyq sport pen balalar sportyn damytýǵa zor serpin beredi. Sondaı-aq bolashaq jeńimpazdar shoǵyryn daıarlaýǵa jol ashady» dep naqty tapsyrma berdi. Sondyqtan bul jumysty Úkimetpen birlesip sozbaqqa salmaı atqarý mindet.
Oǵan qosa tómen jalaqy alatyn jattyqtyrýshylardyń jumys saǵatyn retteýdi depýtattar usyndy, jumys tobynda qabyldandy bul normalar, Úkimetke joldandy, qorytyndy beriledi dep senemiz.
