Nasybaı men veıpke tyıym salynǵaly antıbıotıkke suranys artty

Foto: ashyq derekkóz

Nasybaı men veıpke tyıym salynǵan elimizde antıbıotıkke táýeldilik artyp tur. Bıyl 6 aıda azamattar 42 tonna antıbakterıaldy preparat satyp alǵan. Bul ótken jylmen salystyrǵanda áldeqaıda kóp, dep habarlaıdy qandastar.kz atamekenbusiness_qaz silteme jasap.

Elde dert dendep, naýqastar sany artty ma, álde dárihanalar zańsyz saýdaǵa kóshti me?

Qazir ár turǵyn úıde kem degende 2-3 dúken men dárihana bar. Iaǵnı tamaq pen dárige suranys joǵary. Bas aýyryp baltyry syzdaǵannyń bári dárini sýsha simire me, áıteýir bıyl densaýlyqqa paıdasynan bólek zııany da bar antıbıotık ishetinder sany kúrt artqan. Qańtar men maýsymda ishki naryqta ótken jyldan 18 tonnaǵa kóp antıbakterıaldy preparat satylǵan.

Zeınetker Gúlnar Sársenqyzy memleketten beretin dárisinen bólek, zeınetaqysynyń 15-20 myńy dárige ketetinin jasyrmady. Onyń aıtýynsha, elde dári alýǵa esh kedergi joq. Tipti, antıbıotıkti reeptisiz satyp alý da ońaı. Iaǵnı bıyl saýdalanǵan 42 tonna antıbıotıktiń ishinde zeınetkerdiń de úlesi bar.

Qoǵamdyq densaýlyq saqtaý ortalyǵynyń mamandary dári saýdasynyń qyza túsýine osy zańsyzdyq ta sep bolyp otyr deıdi. Talap bar da, oryndaý joq. О́ıtkeni ruqsatsyz dári satqandar aıyppul arqalap qana qoımaı, lıenzııasynan da aıyrylýy tıis.

– Maýsymdyq aýrý kezinde, ıaǵnı vırýstyq ınfekııa joǵary bolǵan kezde antıbakterıaldy preparatqa júginbeýi tıis. Sebebi, antıbıotık vırýstyq ınfekııany múldem emdemeıdi, – deıdi Qoǵamdyq densaýlyq saqtaý ortalyǵy tóraǵasynyń orynbasary Manar Smaǵul.

Aýrý alqymnan alǵandardyń qaltasy da biraz qaǵyldy. О́ıtkeni bıyl dári-dármek baǵasy da 18 paıyzǵa artqan. Osylaısha, Qazaqstanda bar 2800 preparattyń 2600-y qymbattady. Dárihana ıeleri muny ımportqa táýeldilik sebep deıdi. О́zge valıýtada alynǵan ónimniń baǵasy ishki naryqqa kirgen soń ósedi. Odan qaldy kedendik shyǵyndar men logıstıka taǵy bar. Sebebi preparattyń 85 paıyzy Reseı, Úndistan, Germanııa men Qytaı, Túrkııadan ımporttalady.

Dárigerler dabyl qaǵyp otyr. Antıbıotıkti negizsiz ishe berýge bolmaıdy. Bakterıalar antıbıotıkke beıimdelip, tózimdi shtamdar paıda bolady. Iaǵnı ýaqyt óte kele dáriler sizge múldem kómektespeýi múmkin. Oǵan qosa preparat aǵzadaǵy zııandy bakterııalarmen birge paıdalysyn da joıady.