«ناتيجە بولمادى»: ەم قابىلداپ جۇرگەن جۇلدىز ابدۋكارىموۆا اۋرۋحاناعا جاتاتىنىن ايتتى

وتاندىق اكتريسا جۇلدىز ابدۋكارىموۆا اۋرۋحاناعا جاتاتىن بولدى. بۇل تۋرالى قايرات نۇرتاستىڭ ايەلى Instagram جەلىسىندەگى پاراقشاسىندا جازدى,-دەپ حابارلايدى Qandastar.kz

وسىعان دەيىن كۇندىزگى ستاتسيوناردا ەم قابىلداپ جۇرگەن جۇلدىز ابدۋكارىموۆا ەش ناتيجە بولماعانىن ايتتى. ەندى ول ەكى كۇن بويى تەكسەرىستەن وتپەك. «كەشى مەنى جوعالتىپ الدىڭىزدار ما? ەم جالعاسۋدا. ءبىر اپتا كۇندىزگى ستاتسيوناردا بولدىم. ناتيجە بولمادى. اۋرۋحاناعا جاتۋ تۋرالى شەشىم قابىلداندى. سەبەبىن انىقتاۋ ستادياسىندامىز. كەشەگى مرت ناتيجەسى بويىنشا نەيروحيرۋرگ دارىگەرى تاعى دا تەرەڭ تەكسەرىس پەن تالداۋ جاساۋ كەرەك ەكەنىن ايتتى.

سول سەبەپتى اۋرۋحانادا جاتىپ ەمدەلەتىن بولدىم», – دەدى جۇلدىز ابدۋكارىموۆا. اكتريسا باس اينالۋى بولماسا, جاعدايى بىرقالىپتى ەكەنىن دە ءتۇسىندىردى. «قازىر اللەگرياعا قارسى ەكپە سالىپ, كت-عا الىپ كەتەدى. اۋرۋحاناعا جاتاتىنىمدى بىلگەن سوڭ ۇلكەن اپكەم كەلدى. بالالارىمدى تاستايتىن ادام بولمادى. انام ۇيدە جوق. سوندىقتان سەنىمدى ادام كەرەك بولدى. ال ول – مەنىڭ تۋعان باۋىرىم.

امان-ەسەن اۋرۋحانادان شىققان سوڭ تانىستىرامىن. ازىرگە مەندەگى جاعداي بىرقالىپتى. بىرقالىپتى دەگەن سەبەبىم, اۋىر بەلگىلەرى كەتكەنىمەن, باس اۋرۋى, السىزدىك, باس اينالۋى قويماي تۇر. كۇندىزگى ستاتسيونارداعى ەم قونبادى. سوندىقتان تولىق زەرتتەپ, ەم شارالارى مەن جولدارىن ايتادى. ەندى ەكى كۇن بويى تەكسەرىلەمىن. بارشاڭىزعا راقمەت. نەگىزى اۋىرىپ جاتقان جوقپىن, تەك باسىم اينالادى», – دەدى ول.