جاڭالىقتار
ناتو بالتىق تەڭىزىنىڭ قاۋىپسىزدىگى تۋرالى دەكلاراتسياعا قول قويدى
ناتو ەلدەرىنىڭ قورعانىس مينيسترلەرى بريۋسسەلدەگى كەزدەسۋ بارىسىندا بالتىق تەڭىزىنىڭ قاۋىپسىزدىگىن قامتاماسىز ەتۋ جونىندەگى دەكلاراتسياعا قول قويدى. بۇل تۋرالى ليتۆا قورعانىس مينيسترلىگى ءمالىم ەتتى, دەپ حابارلايدى Qandastar.kz اقپارات پورتالى.
قۇجات ناتو مەن ەۋروپالىق وداق ەلدەرىنىڭ ايماقتاعى تىعىز ىنتىماقتاستىعىن كۇشەيتۋدى, اقپارات الماسۋدى, سونداي-اق دۇشپاندىق ارەكەتتەردىڭ الدىن الۋ مەن سۋاستى ينفراقۇرىلىمىن قورعاۋدى كوزدەيدى.
جاڭا كەلىسىم گااگادا وتەتىن ناتو ءسامميتى قارساڭىندا قابىلدانىپ وتىر. وداق ايماقتاعى قاۋىپسىزدىك شارالارىن جەتىلدىرۋدى جوسپارلاپ وتىر.
بۇعان دەيىن, 4 ماۋسىمدا, ناتو باس حاتشىسى مارك ريۋتتە اليانستىڭ قارا جانە بالتىق تەڭىزدەرىن ءوزىنىڭ جاۋاپكەرشىلىك ايماعى رەتىندە قارايتىنىن, جانە كەز كەلگەن قاۋىپكە «جويقىن جاۋاپ» بەرىلەتىنىن مالىمدەگەن بولاتىن.
