НАТО Украинаға әскери көмек ретінде 20 млрд еуро бөледі

Фото: ашық дереккөз

НАТО Украинаға әскери көмек ретінде 20 млрд еуро бөледі, деп жазды  qandastar.kz

Бұл туралы Брюссельде өткен баспасөз мәслихатында ұйымның бас хатшысы Марк Рютте мәлімдеді. Оның айтуынша, жүргізіліп жатқан келіссөздерге қарамастан, Украина серіктес елдерге сенім арта алады. Ұйым мүшелері әскери қолдауды жалғастыруға бел буған. Себебі, Ресейден төнген қауіп әлі сейілмей тұр. Өткен жылы одақтас елдер Киевке көмек ретінде шамамен 50 млрд еуро бөлген. Дегенмен, Трамп атысты тоқтатуға мәжбүрлеу үшін Украинаға жөнелтілген көмек қаржыны күрт қысқартуы мүмкін деген болжам бар. Алайда АҚШ әлі де қару-жарақ жеткізуді жалғастыруда. Жыл басында ғана әскери колдау қысқа уақытқа тоқтатылған болатын.