«Naıst, fashıst»: Almatyda kafe ıesi qazaqsha mázir talap etken er adamdy qorlaǵan

Kúni keshe Almatydaǵy «Bratskıı shashlyk» kafesinde qazaqsha mázir suraǵan tutynýshyǵa 2GIS qosymshasynda mekeme ókili «Naıst», «fashıst» dep pikir qaldyrǵan. Artynsha pikirin óshirip, er adamdy buǵattap tastaǵan. Kafe memlekettik tilde jaýap berýge mindetti emes ekenin ashyq málimdegen. Jeli qoldanýshylary dámhanaǵa boıkot jarııalap, qazaqsha mázirdi talap etý zańdy quqyqtary ekenin atap ótti, dep habarlaıdy qandastar.kz aqparat portaly Stan.kz-ke silteme jasap.

Áleýmettik jelide Dosǵalı Ámirov 2GIS qosymshasynda «Bratskıı shashlyk» kafesinen qazaqsha mázir surap pikir qaldyrǵan.

«14 mamyrda Almatyda Aqbaqaı kóshesi 2/Sadýaqasov kóshesi 120 qıylysynda ornalasqan «Bratskıı shashlyk» degen kafede túski as ishtik. Mázir qazaqsha bolmady. Artynan 2GIS kartasynda óz pikirimdi qaldyrǵan edim. Kafeniń jaýabyna ózderińiz baǵa berińizder. Artynan óshirip tastapty», – dep túsindirdi Dosǵalı Ámirov.

Kafe er adamǵa «Sen bárin túsinip tursyń ǵoı, nege aqymaq keıpin tanytyp tursyń? Naıst, fashıst. Eger pikirdi óshirmeseńder, qonaqtardy kútińder!» dep jaýap bergen.

Kafe «Sálemetsiz be, biz sizdiń tilińizde jaýap berýge mindettimiz be, álde memleketimizde ondaı zań bar ma?» dep pikir qaldyrǵan. Bul paıdalanýshy da endi polıııaǵa aryz jazýdy oılap otyr. Taǵy bir qoldanýshy bul jaǵdaıǵa qosylyp, qazaq tilinde pikir qaldyrsań, 2GIS moderaııadan ótkizbeıtinin, ári olardyń qaı kafe men meıramhanaǵa barǵanyń týraly aqparatty salyq organdaryna bere alatynyn aıtyp, 2GIS-ti paıdalanbaýǵa keńes bergen.

Budan bólek, kafe TikTok paraqshasynda memleket basshysynyń Qasym-Jomart Toqaevtyń buǵan deıin elimizdegi qos tildiń qoldanysyna qatysty málimdesiniń vıdeosyn shyǵarǵan. Alaıda biraz ýaqyttan keıin óshirip tastaǵan.

Artynsha «Bratskıı shashlyk» kafesi resmı paraqshasynda qonaqtardan keshirim surap, árqashan qazaq tilinen qurmetpen qaraıtyndaryn jetkizdi.

«Qurmetti Qonaqtar! Keltirilgen qolaısyzdyqtar úshin shyn kóńilmen keshirim suraımyz. Sonymen qatar bizdiń atymyzdan kim jaýap berip jatqanyn bilmegenimizdi atap ótkimiz keledi. Biraq sizderge sendirgimiz keledi. Bul jaǵdaı bizdiń ustanymymyzǵa jáne qundylyqtarymyzǵa múlde saı kelmeıdi. Biz qazaq tiline úlken qurmetpen qaraımyz jáne ony joǵary baǵalaımyz. Barsha qazaq halqynan shyn júrekten keshirim suraımyz. Biz Qazaqstandy, qazaq tilin jáne halqymyzdyń dástúrlerin shyn júrekten jaqsy kóremiz ári erekshe qadirleımiz. Qyzmetkerler arasyndaǵy oryn alǵan túsinispeýshilikke baılanysty tıisti sharalar qoldanylyp, atalǵan qyzmetker jumystan bosatyldy. Taǵy da shyn júrekten keshirim suraı otyryp, túsinistikpen qaraýlaryńyzdy suraımyz», – dep jaýap berdi «Bratskıı shashlyk» kafesi.