«ناۋرىز» يپوتەكالىق باعدارلاماسى باستالدى

فوتو:pixabay.com

5 ناۋرىزدان باستاپ «وتباسى بانكىنەن» 7-9% مولشەرلەمەمەن «ناۋرىز» يپوتەكالىق باعدارلاماسىنا قاتىسۋعا وتىنىمدەر قابىلداۋ باستالدى,  دەپ حابارلايدى qandastar.kz

باعدارلامانىڭ ماقساتى – العاشقى تۇرعىن ءۇي ساتىپ الۋ. باعدارلامانى سوڭعى بەس جىلدا جىلجىمايتىن مۇلكى جوق قازاقستاندىقتار پايدالانا الادى. وتىنىمدەر 31 ناۋرىزعا دەيىن Baspana Market پورتالىندا قابىلدانادى.

وعان ءۇي كەزەگىندە تۇرعان الەۋمەتتىك وسال توپ وكىلدەرى, جاس وتباسىلار, تۇرعىن ءۇي تولەمدەرىن الۋشىلار, «وتباسى بانك» سالىمشىلارى مەن مونوقالالار, اۋدان ورتالىقتارى مەن اۋىل تۇرعىندارى قاتىسا الادى. باعدارلاما شارتتارى بويىنشا دەپوزيت مەرزىمى ماڭىزدى ەمەس, سوڭعى 6 ايدا رەسمي تابىسى بولۋى قاجەت. ال «ناۋرىز جۇمىسكەر» باعدارلاماسىنا ءوتىنىش 17 ناۋرىزدان باستاپ قابىلدانادى.

باعدارلاماعا قاتىسۋ ءۇشىن جاسى مەن مارتەبەسى بويىنشا شەكتەۋ جوق.

قالاي قاتىسۋشى بولۋ كەرەك:

1. «وتباسى بانكىندە» دەپوزيت اشۋ (ەگەر ول ءالى جوق بولسا). دەپوزيتتىڭ مەرزىمى ماڭىزدى ەمەس.

2. دەپوزيتتى 2 ملن تەڭگەگە دەيىن تولتىرىڭىز ء(وتىنىم بەرەر الدىندا بارلىق سومانى سالۋعا بولادى).

3. سوڭعى 5 جىل iشiندە وزiندە جانە وتباسى مۇشەلەرiندە (ەرلi-زايىپتىلارىندا جانە كامەلەتكە تولماعان بالالارىندا) جىلجىمايتىن مۇلiكتiڭ بولماۋىنا تەكسەرۋدەن ءوتۋ.

4. سوڭعى 6 ايدا رەسمي تابىستىڭ بولۋىن راستاۋ.

باعدارلامانىڭ شارتتارى بويىنشا قارىز الۋشى باستاپقى جارنا بولعان كەزدە:

10%-دان – تازا ارلەۋدە تۇرعىن ءۇي ساتىپ الۋ;

20%-دان باستاپ – باستاپقى ارلەۋدە نەمەسە قايتالاما نارىقتا تۇرعىن ءۇي ساتىپ الا الادى.

يپوتەكا بويىنشا مولشەرلەمە:

7% – تۇرعىن ۇيگە كەزەكتە تۇرعان حالىقتىڭ الەۋمەتتىك وسال توپتارى ءۇشىن;

9% – قالعاندارى ءۇشىن.

نەسيە مەرزىمى – 19 جىلعا دەيىن. قارىزدىڭ ەڭ كوپ سوماسى: استانا مەن الماتىدا 36 ملن تەڭگەگە دەيىن, باسقا وڭىرلەردە 30 ملن تەڭگەگە دەيىن.

17 ناۋرىزدان باستاپ ونەركاسىپ, ەنەرگەتيكا, كولىك, اۋىل شارۋاشىلىعى جانە سۋ رەسۋرستارى سالالارىنىڭ قىزمەتكەرلەرى ءۇشىن «ناۋرىز جۇمىسكەر» يپوتەكاسىنا قابىلداۋ باستالادى.