«ناۋرىز جۇمىسكەر» يپوتەكالىق باعدارلاماسى حالىققا ءتيىمدى مە?

فوتو: اشىق دەرەككوز

مەملەكەت باسشىسى 2025 جىلدى جۇمىسشى ماماندىقتارى جىلى دەپ جاريالادى. وسىعان وراي قازاقستاندا جۇمىسشىلار ءۇشىن «ناۋرىز جۇمىسكەر» اتتى جاڭا يپوتەكالىق باعدارلاما ىسكە قوسىلادى, دەپ حابارلايدى qandastar.kz

جاڭا يپوتەكالىق باعدارلامانىڭ شارتتارى مىناداي:

• مولشەرلەمە –  الەۋمەتتىك وسال ادامدار ءۇشىن 7 % (جىلدىق ءتيىمدى سىياقى مولشەرلەمەسى 9.6%-عا دەيىن) جانە قالعان ساناتتار ءۇشىن 9% (جتسم 13% دەيىن).
• باستاپقى جارنا: العاشقى پاتەردى تازا ارلەۋمەن تولىق ساتىپ العاندا 10%-دان, ال ەگەر تولىق سالىنباعان جانە ەكىنشى نارىقتاعى ۇيلەردە 20%-دان.
• قارىزدىڭ ەڭ جوعارى سوماسى استانا مەن الماتى قالالارىندا –  36 ملن تەڭگە بولسا, وزگە وڭىرلەردە – 30 ملن تەڭگە.

قاتىسۋشىلارعا قويىلاتىن نەگىزگى تالاپ: سالاداعى كاسىپورىندا جۇمىس ىستەيتىن قىزمەتكەر بولۋى كەرەك. ماسەلەن, ونەركاسىپ, ەنەرگەتيكا, كولىك, اۋىل شارۋاشىلىعى, سۋ رەسۋرستارى.

«ناۋرىز جۇمىسكەر» بويىنشا يپوتەكالىق قارىز الۋعا قۇقىعى بار ناقتى ماماندىقتارعا كەلەتىن بولساق, ءتىزىم قازىر قالىپتاسۋ ساتىسىندا. «ناۋرىز جۇمىسكەر» بويىنشا جۇمىسشى كاسىپتەرىنىڭ ءتىزىمىن وكەد (ەكونوميكالىق قىزمەتتىڭ نەگىزگى جىكتەۋىشتەرى) بويىنشا جۇمىس توبى انىقتايدى», – دەپ حابارلادى ۇكپ وڭدەۋ ونەركاسىبى كوميتەتىنىڭ وتىرىسىندا وتباسى بانكىنىڭ وكىلى.

باسىم كاسىپتەردىڭ ءتىزىمى باعدارلاما باستالعانعا دەيىن, ياعني ناۋرىزدىڭ ورتاسىنا دەيىن ۇسىنىلادى.

بيىل باعدارلاماعا 72 ملرد تەڭگە بولىنەدى. بۇعان شامامەن 2,5 مىڭ وتباسى ءۇيلى بولادى. «ناۋرىز جۇمىسكەر» يپوتەكاسى «ناۋرىز» باعدارلاماسىنىڭ ءبىر بولىگى بولعاندىقتان, شارتتارى بىردەي. قارىز شارتتارى: پاتەردىڭ قۇنى 25 ملن تەڭگە بولۋى كەرەك. باستاپقى جارنا – 20% نەمەسە 5 ملن تەڭگە (دەپوزيتتە بولۋى ءتيىس).