«Naýryz jumysker» ıpotekalyq baǵdarlamasy halyqqa tıimdi me?

Foto: ashyq derekkóz

Memleket basshysy 2025 jyldy Jumysshy mamandyqtary jyly dep jarııalady. Osyǵan oraı Qazaqstanda jumysshylar úshin «Naýryz jumysker» atty jańa ıpotekalyq baǵdarlama iske qosylady, dep habarlaıdy qandastar.kz

Jańa ıpotekalyq baǵdarlamanyń sharttary mynadaı:

• Mólsherleme –  áleýmettik osal adamdar úshin 7 % (jyldyq tıimdi syıaqy mólsherlemesi 9.6%-ǵa deıin) jáne qalǵan sanattar úshin 9% (JTSM 13% deıin).
• Bastapqy jarna: alǵashqy páterdi taza árleýmen tolyq satyp alǵanda 10%-dan, al eger tolyq salynbaǵan jáne ekinshi naryqtaǵy úılerde 20%-dan.
• Qaryzdyń eń joǵary somasy Astana men Almaty qalalarynda –  36 mln teńge bolsa, ózge óńirlerde – 30 mln teńge.

Qatysýshylarǵa qoıylatyn negizgi talap: saladaǵy kásiporynda jumys isteıtin qyzmetker bolýy kerek. Máselen, ónerkásip, energetıka, kólik, aýyl sharýashylyǵy, sý resýrstary.

«Naýryz jumysker» boıynsha ıpotekalyq qaryz alýǵa quqyǵy bar naqty mamandyqtarǵa keletin bolsaq, tizim qazir qalyptasý satysynda. «Naýryz jumysker» boıynsha jumysshy kásipteriniń tizimin OKED (ekonomıkalyq Qyzmettiń negizgi jikteýishteri) boıynsha jumys toby anyqtaıdy», – dep habarlady UKP О́ńdeý ónerkásibi komıtetiniń otyrysynda Otbasy bankiniń ókili.

Basym kásipterdiń tizimi baǵdarlama bastalǵanǵa deıin, ıaǵnı naýryzdyń ortasyna deıin usynylady.

Bıyl baǵdarlamaǵa 72 mlrd teńge bólinedi. Buǵan shamamen 2,5 myń otbasy úıli bolady. «Naýryz jumysker» ıpotekasy «Naýryz» baǵdarlamasynyń bir bóligi bolǵandyqtan, sharttary birdeı. Qaryz sharttary: páterdiń quny 25 mln teńge bolýy kerek. Bastapqy jarna – 20% nemese 5 mln teńge (depozıtte bolýy tıis).