جاڭالىقتار
ناۋرىزباي قاجى ءپىتىر ساداقاعا قاتىستى ويىن ايتتى
فوتو: muftyat.kz
استانادا وتكەن ءباسپاسوز ءماسليحاتىندا باس ءمۇفتي ناۋرىزباي قاجى تاعان ۇلى ءپىتىر ساداقاعا قاتىستى وي قوزعادى, دەپ حابارلايدى qandastar.kz
ايتا كەتەيىك, پىتىر ساداقاسى ەلىمىز بويىنشا ەكى كەلى ۇننىڭ ورتاشا باعاسى نەگىزىندە 655 تەڭگە بولىپ بەكىتىلگەن ەدى.
ء“بىر نارسەنى ءتۇسىنۋىمىز كەرەك. قارىزعا باتىپ, ساداقا بەرمەيدى. شاماسى كەلگەن ادام عانا بەرەدى. وسىنى جاقسىلاپ ءبىلىپ الايىق. ءبىزدىڭ ءدىنىمىزدىڭ كەرەمەتتىلىگى سونداي ادامداردىڭ جاعدايىنا قارايدى. ءتىپتى, اۋىزاشار بەرمەگەن ادامعا كۇنا جازىلمايدى. اۋىزاشار بەرۋ ساۋاپتى ءىس سانالادى. بەرسەڭىز ساۋاپ, جاعدايىڭىزعا قاراپ بەرمەسەڭىز دە بولادى. ول ءۇشىن كۇنا ارقالامايسىز. قالتاڭىز كوتەرمەسە ءپىتىر ساداقا دا بەرمەڭىز, اۋىزاشارعا دا شاقىرماڭىز. شاريعات ونى مىندەتتەمەيدى”, – دەدى باس ءمۇفتي.
