Naýryzbaı Taǵanulyna qatysty shý shyqty

Foto: QMDB

Ákesin uryp óltirgen sumdyq oqıǵaǵa baılanysty Aqyt qajy meshitiniń bas ımamy Janarbek Mambar pikir bildirdi. Ol Qazaqstan musylmandary dinı basqarmasyna (QMDB) túbegeıli ózgeris qajet ekenin aıtyp, bas múftı Naýryzbaı Taǵanulyna shúılikti, dep habarlaıdy qandastar.kz

Imamnyń aıtýynsha, jastarǵa durys rýhanı tárbıe berilmeýiniń jaýapkershiligi dinı basqarmanyń basshylyǵynda.

«Ákesin urǵan bala úshin de Alla aldynda bas múftı Naýryzbaı Taǵanuly jaýapty. Biraq ol jaýapkershilikti umytqan. Halyqtyń senimin taptap, dúmshelikti jaılatty. Bas múftılikke laıyqty emes», – dep jazdy Janarbek Mambar.

Sondaı-aq ol memleket basshysy Qasym-Jomart Toqaevtyń joldaýynda jastar tárbıesine erekshe toqtalǵanyn atap ótip, óz úndeýiniń qoǵamǵa oı salýyn qalaǵanyn jetkizdi.

Imamnyń pikirinshe, bolǵan oqıǵaǵa baılanysty bas múftı halyqtan keshirim surap, ornyn bosatýy tıis.